ទាក់ទងទៅនឹងការអំពាវនាវរបស់ប្រធានគណកម្មាធិការជាតិរៀបចំការបោះឆ្នោតកាលពីម្សិលមិញឲ្យអ្នកពាក់ព័ន្ធទាំងអស់គោរពច្បាប់ បទបញ្ជា និងនីតិវិធីនៃការបោះឆ្នោត លោក ថាច់ សេដ្ឋា អ្នកនាំពាក្យគណៈបក្សភ្លើងទៀនរិះគន់ថាវាជាការអំពាវនាវមួយដែលយឺតពេល ខណៈដែលលោកអះអាងថាការចាប់ផ្តើមរបស់គណបក្សលោករងការរំខានអំឡុងពេលរៀបចំបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំសង្កាត់។ ក៏ប៉ុន្តែលោក សោម សូរីដា អ្នកនាំពាក្យគ.ជ.ប បញ្ជាក់ថាសេចក្តីអំពាវនាវរបស់គ.ជ.ប ពេលនេះ គឺជាដំណាក់កាលមួយដែលល្អ និងមានសារៈសំខាន់នៅក្នុងដំណើរការរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥នេះ។