ទឹក​ជំនន់​ដែល​លិច​ស្រុក​គង​ពិសី​ខេត្ត​កំពង់​ស្ពឺ ​ហើយ​ប៉ះពាល់​កំណាត់​ផ្លូវ​ជាតិ​លេខ​៣​នោះ ​គឺ​ទឹក​បានស្រក​ទៅ​វិញ​ហើយ​។​ ការ​ស្រក​នេះ​ដោយ​សារ​តែ​អាជ្ញាធរ​បាន​សម្រេច​បើក​ផ្លូវ​បង្ហូរ​ទឹក​ទម្លាក់​ទៅ​ខេត្តតាកែវ​។​ នេះ​បើ​តាម​ លោក​ វ៉ី​ សំណាង ​អភិបាល​ខេត្ត​កំពង់​ស្ពឺ​។​ លោក​អះអាង​ថា​ ប្រសិន​ជា​គ្មាន​ភ្លៀង​បន្ថែម​ទេ​ នោះ​ជំនន់​ទឹក​ភ្លៀង​នៅ​តំបន់​នោះ ​នឹង​មិន​ធ្ងន់​ធ្ងរ​ឡើយ។​ ជំនន់​នេះ​គឺមាន​ពលរដ្ឋ​តែ​៧គ្រួសារ​ប៉ុណ្ណោះ​ត្រូវ​បាន​ជម្លៀសចេញ​ ខណៈ​រោង​ចក្រ​ចំនួន​១០​ត្រូវ​ប៉ះ​ពាល់​។