គណ​បក្ស​ខ្មែរ​រួប​រួម​ជាតិ​បាន​ដាក់​ចេញ​គោល​នយោបាយ​អទិ​ភាព​៩​ចំណុច ​ផ្តោត​លើ​បញ្ហា​អយុត្តិធម៌​សង្គម ​និង​អំ​ពើ​ពុក​រលួយ​។​ គណ​បក្ស​នេះ​ដែល​រួម​គ្នា​រវាង ​លោក ​ញឹក ​ប៊ុនឆៃ ​និង​លោក ​យ៉ែម​ បុញ្ញឬទ្ធិ​ មាន​គោល​ដៅ​ធំ​គឺ​ទៅ​ដណ្តើម​កៅ​អី​តំណាង​រាស្ត្រ​ឲ្យ​បាន​ ខណៈ​ដែល​គណ​បក្ស​ប្រឆាំង​ធំ​ជាង​គេ​មិន​ត្រូវ​បាន​អនុញ្ញាតិ​ឲ្យ​ចូល​រួម​ប្រកួត​។​ ភាព​ខ្លាំង​របស់​គណ​បក្ស​នេះ ​ត្រូវ​បាន​លោក ​យ៉ែម​ បុញ្ញឬទ្ធិ ​ពន្យល់​ថា​ គឺ​មាន​លោក​ ញឹក​ ប៊ុនឆៃ ​ជា«អ្នក​តស៊ូ​មក​ពី​ទិស​ខាង​លិច​»​ និង​មាន​លំ​នាំ​នៃ​ការ​រួម​បញ្ចូល​ដូច​គណ​បក្ស​ប្រ​ឆាំង​កាល​ពី​១០​ឆ្នាំ​មុន​។