ក្រសួងការបរទេសអាមេរិក បានដាក់កម្ពុជា ទៅក្នុងចំណាក់ថ្នាក់កម្រិត៣ ឬបញ្ជីក្រហម ដែលជាប្រទេសមិនបានបំពេញតាមស្តង់ដារអប្បរមា ដើម្បីលុបបំបាត់ការជួញដូរមនុស្ស។ លោកស្រី ជូ ប៊ុនអេង អនុប្រធានអចិន្ត្រៃយ៍នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស បានសម្តែងនូវការខកចិត្ត ចំពោះការដាក់ចំណាត់ថ្នាក់នេះ។ បើតាមលោកស្រី ជូ ប៊ុនអេង ប៉ុន្មានឆ្នាំចុងក្រោយនេះ កម្ពុជាបានព្យាយាមធ្វើការងារ និងបង្កើតកិច្ចសហប្រតិបត្តិការច្រើន ដើម្បីទប់ស្កាត់បទល្មើសជួញដូរមនុស្ស​ តែលទ្ធផលបែរជាទទួលបានចំណាត់ថ្នាក់បែបនេះទៅវិញ។