លោក​ ហ៊ុន ​កុសល ​ដែល​ជាប់​ឃុំ​ពី​បទ​ប្រមាថ​ព្រះ​មហា​ក្សត្រ ​ត្រូវ​បាន​ដោះលែង​នៅ​ថ្ងៃ​សៅរ៍​នេះ​។​ លោក យឹម​ ស៊ីណន ​ដែល​ជា​មិត្ត​ភក្ដិ​របស់​លោក​ ហ៊ុន​ កុសល​ អះ​អាង​ថា​ ការ​ដោះ​លែង​នេះ​ក៏​ជា​ចំណែក​មួយ ​ដែល​លោក​បាន​ជួយ​ធ្វើការ​សម្រប​សម្រួល​ជា​មួយ​ប្រមុខ​រដ្ឋាភិ​បាល ​ខណៈ​ដែល​លោក​និង​ក្រុម​គ្រួសារ ​បាន​ទៅ​ជួប​លោក​ ហ៊ុន​ សែន​ ដល់​ផ្ទះ ​កាល​ពី​ម្សិលមិញ​។

សម្រាប់ ​លោក ​សឹន​ ជុំជួន​ ជា​មេធាវី​ការ​ពារ​ក្តី​ឲ្យ ​លោក​ ហ៊ុន​ កុសល ​បាន​សំដែង​ក្តី​រីករាយ​។​ លោក​យល់​ថា ​ការ​ដោះលែង​នេះ ​អាច​ដោយ​សារ​តែ​តុលា​ការ​យល់​ឃើញ​ថា ​មិន​មាន​ធាតុ​ផ្សំ​បទ​ល្មើស​​ស៊ី​ជម្រៅ​ក្នុង​ការ​ចោទ​ប្រកាន់​។