ភ្ញៀវប្រចាំថ្ងៃ​របស់វិទ្យុបារាំង​អន្តរជាតិ​ នារាត្រីនេះ ​គឺលោកថាច់ សេដ្ឋា ​ប្រធានស្តីទី​និង​ជាអ្នកនាំពាក្យ​គណបក្ស​ភ្លើងទៀន។​ គណបក្ស​ភ្លើងទៀន​នៅថ្ងៃនេះ ​បានប្រកាស​អំពីលទ្ធផល​នៃការដាក់​បេក្ខជន​ឈរឈ្មោះ​ក្នុងការបោះឆ្នោតឃុំ​សង្កាត់​ចំនួន​១៦៤៩​ ខណៈដែល​គណបក្ស​ប្រជាជន​កម្ពុជា​បាន​ដាក់​បេក្ខជន​គ្រប់ចំនួន​ឃុំ-សង្កាត់​ទាំង១៦៥២​នៅទូទាំង​ប្រទេស។​ លោកថាច់ សេដ្ឋា ​ថាការ​ដាក់បេក្ខជន​បានស្ទើរ​តែគ្រប់ឃុំ-​សង្កាត់ ​បង្ហាញ​ថាពលរដ្ឋ​ចង់បាន​ការបោះឆ្នោត​មួយដ៏ត្រឹមត្រូវ​តាមបែប​ប្រជាធិបតេយ្យ ​ហើយតាមរយៈនេះ​ លោកក៏សង្ឃឹមថា ​បក្សភ្លើង​ទៀន​នឹងទទួល​បាន​លទ្ធផល​វិជ្ជមាន។​