Willie Strauss het vroeër vanjaar in Maroela Media se ateljee kom kuier en met Esté Meyer Jansen gesels oor sy kookboek 'Daar is ’n engel in my koskas'. Strauss vertel meer oor sy feestelike kos-memoires wat lesers op ’n reis neem na die nostalgiese plaaslewe van sy Boesmanland-kinderjare van kosmaak sonder enige fieterjasies

Irene-Louise se splinternuwe liedjie “Iziiit” is uiteindelik hier! Tong-in-die-kies, pret en onmiskenbaar Irene-Louise.

Die nuwe musiekduo John James het pas hul eerste enkelsnit genaamd “Ek is meer werd” vrygestel en dié liedjie het sommer gou sy posisie op Maroela Media se Afrikaanse Top-20 ingeneem. Boonop was John James ook vanjaar saam met groot name in die bedryf by die Krone-konsert te sien.

Gavin Watson was ’n gekompliseerde karakter en met sy dood laat hy ’n ingewikkelde nalatenskap agter. Dít is die mening van James-Brent Styan, medeskrywer van die boek 'The Bosasa Billions' wat dié dienstemaatskappy se betrokkenheid by ’n netwerk van staatskaping ondersoek het. Styan het met Esté Meyer Jansen gesels oor die skryf van die boek en die aspekte van Bosasa se betrokkenheid by staatskaping wat vir hom uitgestaan het.

Volgens Johny Klein het hy hom nog nooit self as ʼn gebore storieverteller gesien nie. Maar wanneer hy sy mond oopmaak, vloei die stories byna organies uit sy mond en kan jy nie anders nie as om aan sy lippe te hang en weggevoer te word na ʼn wêreld waar dié stories jou realiteit raak.

In elke episode reis ʼn bekende gas saam met Adam Tas en ná afloop van elke dag se avontuur word heerlik kos gemaak met die vangs van die dag en gesellig om die kampvuur gekuier.

“Ek wil 'n positiewe boodskap daar buite sit. Ek dink dit is baie belangrik vandag in Suid-Afrika om positief te bly, al is dit hóé moeilik. Dit is belangrik om nie negatief te dink en afbrekende goed daar buite te sit nie, want jy gaan nêrens kom deur negatief te wees nie."

Die langverwagte aksiekomedie "Ander Mens" begin Vrydag in rolprentteaters draai en dié rolprent belowe om kykers op die punte van hul stoele te laat sit.

“Ek voel nie asof ek ʼn groot naam in die bedryf is nie. Dit is net vir my wonderlik om ʼn vertoning te doen en dan is die teater vol. Dit beteken baie vir my. Ek is ongelooflik bevoorreg."

Om te luister hoe Dawid Minnaar oor teater praat, is soos om te luister hoe ʼn sjef sy kenmerkendste dis uiteensit. Hy het insig en begrip ver bo dít wat jou beperkte kennis van die onderwerp bied en praat met die wysheid wat slegs toegeskryf kan word aan jare lange ervaring. Maar dit laat jou mond water en jou smag om dít wat hy verduidelik eerstehands te beleef.