Árið 1872 fæddist ungur piltur sem skírður var Matthías, hann var systursonur Matthíasar Jochumssonar og það var reyndar Matthías sjálfur sem skírði hann. Matthías þessi Þórðarson fór á sjóinn og kom víða við, að lokum fluttist hann til Danmerkur og fékkst þar við ritstörf og fleira. Hann skrifaði æviminningar sínar og les Illugi Jökulsson æsilega frásögn hans af sjávarháska sem hann lenti í þegar hann var ungur að árum á skútunni Svend. Mögnuð lýsing frá týndri tíð.