Ingrid Cupido van AGE IN ACTION werk elke dag met senior burgers. Sy voel, dat net soos wat daar dae vir moeders en vaders is, daar meer as net 'n week vir senior burgers behoort te wees.

Hy is op 24 September 1936 in Greenville, Mississippi gebore. En 'veelsydig' is nie genoeg om hierdie man te beskryf nie. Jim Maury Henson was 'n Amerikaanse marionettespeler, kunstenaar, spotprenttekenaar, draaiboekskrywer, liedjieskrywer, musikant, regisseur en vervaardiger wat internasionale roem verwerf het as die man agter die Muppets.

Jy het waarskynlik al gewonder wat die handgebare beteken wat mense gebruik wanneer hulle op die sypaadjie staan en wag vir 'n taxi. Martin Headger het gaan hoor wat dit beteken.

Antoniem is verward oor inkonsekwente padtekens. Dit laat hom wonder of die redelike man ook 'n wyse man is. Indien wel, glo die redelike man ook soos Douglas Bader dat "rules are there for the obedience of fools and the guidance of wise men?"

Het jy al ooit gewonder wat dit behels om 'n radiostasie aan die gang te hou? Wie is betrokke en wie is verantwoordelik vir wat? Tharien Oosthuizen, RSG se musiekopsteller, neem jou op 'n toer op die eerste vloer van SABC Radiopark in Aukclandpark, Johannesburg.

Wat is swaar, lyk 'n bietjie na 'n trekklavier en neem foto's? Dis 'n ou houtkamera! Het jy geweet dat dat hierdie kameras steeds gebruik word? Martin Headger het by Janus Boshof van die Alternative Print Workhop in Johannesburb gaan inloer om meer oor hierdie kameras uit te vind.

24 September is vir die meeste Suid-Afrikaners Nasionale Braaidag, maar volgens die amptelike kalender staan dit bekend as Erfenisdag. Behalwe vir die dag se feesvieringe is daar ook 'n week en volle maand met opwindende geleenthede waar jy jou erfenis kan uitleef en iets van 'n ander kultuur leer. Melody Kleinsmith is die bemarkings- en kommunikasiebestuurder van die Iziko Museum in Kaapstad. Sy gesels oor erfenisweek wat vandag afskop en hoe jy betrokke kan raak voor jy die vure aansteek.

Het jy geweet dat dieselfde proses wat oorspronklik gebruik is om foto's te ontwikkel met chemikalieë en lig, steeds gebruik word? Martin Headger het by Janus Boshof van die Alternative Print Workshop in Johannesburg 'n draai gemaak om meer oor die foto-druk en ontwikkelingsproses uit te vind.

Soos mis voor die son, verdwyn baie mense se data op hulle slimfone elke maand... Maar waarheen, en hoekom? Soms is dit net 'n verstelling hier en daar om die onnodige verlies van data op jou slimfoon stop te sit. Ettienne Ludick kyk na die redes vir dataverlies en wat jy daaraan kan doen.

'n Jong anonieme skrywer was geskok nadat hy 'n artikel gelees het oor die nalatigheid van staatsamptenare wat bygedra het tot die moord op dr. Verwoerd. Hierdie "comedy of errors" laat hom wonder oor die effektiewe staatsdiens waarna sy pa en oupa terugverlang.