មន្ត្រី​ជំនាញ​កិច្ច​ព្រំ​ដែន​កម្ពុជា បាន​អះអាង​ថា ការ​ប្រើ​ផែន​ទី​របស់​Google​ Maps ​មិន​អាច​យក​ជា​ការ​បាន​ឡើយ សម្រាប់​ការ​បោះ​បង្គោល​ព្រំ​ដែន​កម្ពុជា និង​វៀត​ណាម​។​ នេះ​ជា​ការ​ឆ្លើយ​តប​ទៅ​នឹង​ការ​ផ្សព្វ​ផ្សាយ​របស់​ លោក សម រង្ស៊ី ​និង​អ្នក​មួយចំនួន​ទៀត ​ដែល​ថា ​បង្គោល​ព្រំ​ដែន​ដែល​បាន​បោះរួច​គឺ​ចេះ​ដើរ​ចូល​មក​ក្នុង​ទឹក​ដី​កម្ពុជា​ រាប់​គី​ឡូ​ម៉ែត្រ​ បើ​ផ្អែក​តាម​ផែន​ទី​ Google Maps។ តែ​មន្ត្រី​ព្រំដែន​របស់​រដ្ឋាភិ​បាល ចាត់​ទុក​ថា ​ការ​លើក​ឡើង​របស់​អ្នក​នយោ​បាយ​ប្រ​ឆាំង ធ្វើឲ្យ​មាន​ការ​យល់​ច្រ​ឡំ​។​