D'Ukrain schéngt elo awer bereet ze sinn en Accord iwwer dës Stoffer mat den USA ze ënnerschreiwen. Mee firwat sinn "Terres rares" iwwerhaapt esou wichteg?

EU-Sommet, den EuGh befaasst sech mat der Brasserie nationale a Brasserie Heintz an eng Manifestatioun vu syreschen Asyldemandeuren

Nach gëtt et fir den Ament kee Fall vun der afrikanescher Schwéngspescht hei am Land - mee d'Preventiounsmoossname goufen nom Fall an Däitschland verschäerft.

E Gespréich mat der Danielle Köller-Willems, enger vun de wéinege Buchbënner:innen, déi et nach hei am Land ginn. iwwer d'Zukunft vun hirem Beruff.

De Lëtzebuerger Militärsatellit kéint de Satellittesystem Starlink vum Elon Musk net ersetzen. Dat seet de Militärexpert Frank Sauer am 100,7-Interview. Am Raum steet jo d’Suerg, datt nom Eclat am Wäissen Haus tëschent de Presidenten Trump a Selenskyj den Zougang vun der ukrainescher Arméi op Starlink blockéiert gëtt. Den Elon Musk huet dëst nom Eclat am Wäissen Haus zwar dementéiert. Mee esou eng Droung stoung wéi et schéngt scho virum Treffe vun de Presidenten Trump a Selenskyj am Raum, wéi d’Noriichtenagence Reuters mellt. Fir de Frank Sauer wier Starlink nämlech en essenziellen Aspekt an der ukrainescher Krichstrategie fir sech géint de russeschen Ugräifer ze wieren. Eng europäesch Alternativ géif et den Ament net ginn. Dofir bräicht een Dausende vu Satellitten, also géif och just Starlink a Fro kommen.

Wéi standhaft wier d'Demokratie hei am Land, wann demokratiefeindlech Parteien a Regierungsverantwortung kéimen? Dat soll an engem sougenannte "Stresstest" fir d'Demokratie erausfonnt ginn. Ënner anerem dat fuerderen op jiddefall 8 jonk Politiker vun DP, déi Gréng, CSV an LSAP an engem entspriechenden Appell, fir d’Demokratie ze stäerken.

Spezialkommissioun Caritas, e Business-Forum fir d'Ukrain an en EU-Aktiounsplang fir d'Automobilindustrie.

De Poopst François hat gëschter zwou schwéier Otemkrisen, seet de Vatikan. Hien huet seng 18. Nuecht zu Roum am Spidol verbruecht. De 14. Februar gouf hie wéinst enger Bronchitis ageliwwert. Zanterdeem leit hien och un enger béidsäiteger Longenentzündung. All Dag waarden Dosende Journalisten am Vatikan op Noriichten iwwer dem 88-Joer-ale Poopst François säin Zoustand an deelen déi dann der Welt mat. Ënner hinnen ass och eise Korrespondent Philip Crowther.

D'Lëtzebuerger Delegatioun ass mat 5 Medaille vun der rezenter WM am Schibob zu Lenggries heem komm. E Gespréich mam Duebel-Weltmeeschter Eric Mathias

Iwwer 2 Méint ass et hier, datt de Regimm vum Baschar al-Assad a Syrie vun der Hai’aTahrir al-Scham (HTS) Allianz an der Syrescher Nationaler Arméi gestierzt gouf. Eng grouss Hoffnung fir d’Mënschen a Syrien - a fir déi, déi virum Regimm an dem Biergerkrich geflücht sinn. Zënter Enn Januar regéiert den Interimspresident Ahmed al-Sharaa d’Land. Hien hat an de Jore virdrun am Biergerkrich géint d’Politik vun der al-Assad Famill gekämpft. Dat zesumme mat der als islamistesch agestuuften HTS- (Hai’aTahrir al-Scham) Allianz. No der éischter Erliichterung an der Feierstëmmung ass Syrien haut erëm am Alldag ukomm. Mee och fir d’Syrier a Syrierinnen hei am Land huet sech zënter Ufank Dezember eppes geännert. Entretemps stellt ee fest, datt net alles esou roseg ass wéi am Ufank geduecht. E Reportage vum Ilana Joseph