Sewentien Suid-Afrikaners wat by die oorlog in Oekraïne betrokke geraak het, veg dalk aan die Russiese kant. Solidariteit neem sy veldtog teen die ANC na die G20-beraad. Die paramilitêre Rapid Support Forces in Soedan sê hulle het ingestem tot 'n voorstel vir 'n humanitêre wapenstilstand in die burgeroorlog.

Ouers in Gauteng is warm onder die kraag oor die vertraging met skoleplasings. Kommer oor talle onderwysers wat van seksuele teistering aangekla word. Daar is nog geen einde in sig vir die regeringsluiting in Amerika nie. 'n Ekonoom sê die regering sal binnekort geen ander keuse hê as om BTW te verhoog nie.

Die Verkiesingskommissie hoop om die plaaslike regeringsverkiesings op die eerste Woensdag van November 2026 te hou. Sakeman Brown Mogotsi het nog nie 'n verklaring oor 'n vermeende aanslag op sy lewe by die polisie ingedien nie. Die aantal toeriste na Suid-Afrika neem met meer as 'n miljoen toe.

President Cyril Ramaphosa sê die RNE is verenig en sterk - Ons praat met RNE-vennote wat die tweedaagse vergadering bygewoon het. Die stof het nog nie gaan lê oor die Nie-in-my-naam-veldtog nie - ons voer 'n debat met twee opponerende partye. Ons bespreek die Proteas se eerste eendagstryd vanmiddag teen Pakistan.

Bendegeweld vlam weer op, maar hierdie keer in Reigerpark aan die Oos-Rand. Dertien verdagtes sal na verwagting vandag in die hof op Heilbron verskyn in verband met ’n plaasmoord. Ons praat oor 'n moontlike regeringsverandering in KwaZulu-Natal.

Die burgemeester van Saldanha is onstoke omdat die ANC 'n aandklokreël ingestel het, wat beoog om kinders te beskerm. 'n Nuwe konstruksie-aksieplan van die Departement van Openbare Werke is daarop gemik om tenderpreneurs vas te vat. Ons praat oor dobbel - waneer is dit ’n euwel, en wanneer net onskuldige vermaak?

Kommer oor die toename in misdaadsindikate op plase en kleinhoewes. Die Ngwathe Munisipaliteit moet ontbind en binne 90 dae 'n tussenverkiesing hou ná 'n Appèlhof-beslissing. Die aantal likwidasies styg met bykans 24% die afgelope jaar.

Die adjunkminister van polisie, Cassel Mathale, meen daar is nie faksies in die polisiediens nie. Action SA wil hê politieke meningspeilings moet gereguleer word. Kiesers in Tanzanië gaan vandag na die stembus. Die beheerraad vir gesondheidsprodukte het die gebruik van 'n inenting, wat MIV kan voorkom, goedgekeur.

Kommer oor die bek-en-klouseer-krisis in die Vrystaat. Baie Suid-Afrikaanse skole is swak voorbereid om boelies vas te vat. Ons bespreek Amerika se aangewese ambassadeur na Suid-Afrika.

Drie munisipaliteite tree toe tot die hofstryd oor die bepaling van munisipale tariewe. Goeie nuus wink vir motoriste by die brandstofpomp. 'n Hofsaak word vandag aangehoor oor die publikasie van matriekuitslae.