Suid-Afrikaners se kerse en lampe staan reeds die afgelope week gereed vir elke keer wanneer die ligte weer uitgaan - wat nou, met Eskom se nuwe skedule - sommer meer as een keer per dag gebeur. Maar dit is geen grap vir sake-ondernemings in die land wat probeer om hulle besighede aan die gang te hou nie. En met die vakansie-seisoen wat pas aangebreek het, is dit 'n ewe erge nagmerrie van donkerte. Este de Klerk het met 'n paar mense gesels.

Verskeie gevestigde boere in die Noord-Kaap, staan op die drumpel om plase wat nou reeds drie tot vier generasies in hulle families floreer het, aan die droogte af te staan. Vir baie van hulle, is dit nie meer 'n nuwe ding om karkaste van vee of wild op hulle plase te kry nie, en selfs al reën dit môre, gaan dit hulle tussen 5 en 7 jaar neem om die punt te bereik waar hulle voor die droogte was. Marlinee Fouche het besoek afgelê aan boere in die omgewing van Griekwastad en Carnavorn.

Meer vroue gaan na skuilings vir oorlewendes van geslagsgeweld in die Noord Kaap as voorheen. So sê 'n nie-regerings organisasie in Kimberley. Soveel as sestig vroue het oor die afgelope twee jaar daar kom woon as gevolg van geweld teen hulle. Neo Bodumela doen verslag.

Bykans 18 jaar gelede het vier aangehoudenes in die Grootvlei-gevangenis in Bloemfontein 'n video gemaak wat skokgolwe deur die land gestuur het. Die beeldmateriaal, wat op die SABC se nuusaktualiteitsprogram, Special Assignment uitgesaai is, het gewys hoe gevangenes dwelms, alkohol, en selfs 'n vuurwapen van bewaarders koop. Die video het in 2002 die Jali-kommissie van ondersoek na korrupsie en misdaad binne die land se tronke, genoop om veranderinge aan die land se Korrektiewe dienste stelsel aan te bring. Dirk Malan was tydens die gebeure 'n gevangene in Grootvlei. Hy het 'n kernrol gespeel in gevangenes se stryd teen korrupsie binne Korrektiewe dienste - korrupsie wat sommige groepe sê steeds plaasvind. Vandag begin ons met 'n reeks stories wat op Malan, en sy buitengewone reis tot verlossing, fokus. Darren Taylor doen verslag.

Boervroue in Vanwyksvlei in die Noord-Kaap, weier om hoop te verloor in die voortslepende droogte wat die gebied op sy knieë het. Minstens 12 boere, het hulle plaashekke permanent gesluit. Landbou organisasies soos AgriSA, spreek intussen toenemend kommer uit oor voorvalle van boere wat hulle eie lewens neem omdat die las te swaar word, en dit nie voel of daar uitkomkans is nie. Verskeie vroue in die gebied, trek laer om hulle mans, en weier om moed te verloor. Marlinee Fouche het by hulle gaan hoor hoe hulle sterk bly, wanneer hulle mans dreig om in te gee.

Suid-Afrika se Zozibini Tunzi is as Mejuffrou Heelal 2019 gekroon. Die 25-jarige is van Tsolo in die Oos-Kaap. Die laaste keer toe Suid-Afrika die kroon gedra het, was in 2017 toe Demi-Leigh Nel-Peters die internasionale kompetisie gewen het. Marlinee Fouche doen verslag.

'n Prominente figuur in San-kringe in die Kalahari, asook Platfontein buite Kimberley, Hennie Swart het gesterf. Swart is die afgelope naweek na 'n lang siekbed dood. Hy was die direkteur van die Suid-Afrikaanse San Instituut, oftewel SASI, met 'n agtergrond in sielkunde, ontwikkeling en onderwys. Sy spesialis-kundigheid was vroeë kinderjare ontwikkeling. Wejoenke Kambungu berig.

Terwyl inwoners van Upington in die Noord-Kaap verlede week in die strate geswem het na swaar reën, het opkomende boere suid-oos van die stad, woordeloos staan en toekyk. Dit het vier jaar terug ordentlik gereën in dorpe soos Vanwyksvlei, Niekerkshoop en Griekwastad naby Carnavorn, en veral opkomende boere trek swaar. Marlinee Fouche berig dat die beroep op meer doeltreffende droogtehulp van die regering daagliks meer stemme by kry.

'n Skrywe van 'n bokboer in Witsand in die NoordKaap - het sosial -media gebruikers se harte aangegryp. Die Boer, Hennie Le Roux trek ook swaar aan die droogte juk wat op sy skouers rus. Hennie het vroeër die week droogtehulp ontvang en op Facebook sy gevoel en dankbaarheid oor die hulp neergepen. Die skrywe is binne 'n dag meer as 2000 keer op Facebook gedeel, meer as 900 mense het kommentaar gelewer en meer as drie en 'n half duisend mense het op die skrywe gereageer. Dit is wat Hennie geskryf het in sy eie woorde.

Transnetpensioenarisse gaan die maand 'n R10 000 rand bonus ontvang. Dit in terme van die skikkings-ooreenkoms wat onderteken is. t Advokaat Anton Alberts van die Vryheidsfront Plus verduidelik.