Ons gaan voort met ons reeks oor wat ons in die volgende dekade kan verwag ... Klimaatverandering is een van die groot agendas die afgelope dekade. Volgens alle aanduidings sal dit ook so wees in die volgende dekade. Ons praat nou hieroor met die entomoloog prof Erik Holm wat onlangs 'n rubriek hieroor geskryf het.

'n Nieregeringsorganisasie, Voice of the Unborn Baby, het die Hooggeregshof in Pretoria genader om dit moontlik te maak vir ouers om dooie fetusse jonger as 26 weke te begrawe of te laat veras. Fetusse wat vóór 26 weke sterf, word tans as mediese afval hanteer. Annelene Moses doen verslag.

Leon van Nierop gesels gewoonlik teen die einde van die jaar oor die beste rolprente van die jaar. Hier is sy 20 gunstelinge.

Dis Kersdag, en in plaas daarvan dat hulle tyd by hulle gesinne en uitgebreide familie kan deurbring, moet heelwat mense wat noodsaaklike dienste lewer, vandag werk. Dit sluit nooddienswerkers, die polisie en selfs uitsaaiers in. Maar daar is nog mense wat op Kersdag werk, en dis die geestelike- en ondersteuningspersoneel by kerke oor die wêreld heen. Een van hulle is Marnus Greyling, 'n bekende Suid-Afrikaanse orrelis, wat maar soos ander in sy beroep vandag die ure op die orrelbankie slyt by die kerk waar hy werk. Gustav Greyling het by hom gaan uitvind wat sy werk behels, en hoe dit is dat 'n jong Afrikaanssprekende in so 'n antieke beroep, by 'n antieke kerk beland het.

Net soos die Springbokke se oorwinning in die Wêreldbeker die land se verbeelding aangegryp het, het die Ndlovu Jeugkoor op die internasionale verhoog, Suid-Afrikaners se verbeelding aangegryp. Die Ndlovu koor het ook daarin geslaag om die land saam te snoer as 'n eenheid - net soos die Springbokspan. Suzanne Paxton, aanbieder van SAUK nuus se nuusaktualiteitsprogramme op RSG, Monitor en Spektrum het die geleentheid gehad om die Ndlovu jeugkoor se storie te volg. Die koorleiers, Ralf Scmit het vroeer gesê: "Nooit sou hulle dink dat 'n uitnodiging om aan die Amrica's Got Talent kompetisie deel te neem, almal se lewens so sou verander nie. " Dit nadat hy aanvanklik gedink het die uitnodiging is 'n grap.

COP 25 het die week n verklaring uitgereik waarin gevra is dat nuwe riglyne daargestel moet word om koolstofdioksied uitlaatgasse verder te verminder. Intussen was daar kritiek vanuit mediakringe dat die beraad wat in MADRID gehou is, nie genoeg gedoen het om markte te reguleer in die verband nie. Vir meer hieroor, praat ons nou met professor Francois Engelbrecht van WITS universiteit se GLOBAL CHANGE INSTITUTE.

Ons bly by beurtkrag en praat nou met ESKOM se bedryfshoof, Jan Oberholzer:

Verskeie gerugte en stellings oor Eskom doen tans die rondte op sosiale media, maar hoeveel van die is waar? Voor ons die gerugte met n ingenieur bespreek, kom ons luister na 'n tipiese voorbeeld van 'n gerug wat vroeër die week sy kop uitgesteek het en nou soos die spreekwoordelike veldbrand versprei:

Die Milnerton Kanoeklub gaan die hof vra om die Kaapstad metro te dwing om die hoë vlak van besoedeling in die plaaslike strandmeer op te ruim. Klublede en die Milnerton Inwoners Vereniging het 'n betoging met plakate gehou, met die opening van die nuwe houtbrug wat die voorstad met die strandgebied verbind.

Mejufrrou Heelal Zozibini Tunzi het reeds in haar nuwe woonstel in New York ingetrek, na sy Sondag die kompetisie gewen het. Tunzi is die derde Suid-Afrikaner wat die gesogte kroon dra. Ons Amerikaanse korrespondent, Sherwin Bryce-Pease, het gister met haar 'n onderhoud op die Empire State Gebou gevoer.