Op 'n lys van inspirerende aanhalings vir mense met spesiale behoeftes, is Noel Helm se aanhaling: "Being disabled does not mean Un-abled, just Different-Abled." Dit is hoe Willemien du Toit sê sy grootgemaak is. Sy het eers op die rype ouderdom van 36 van 'n Britse Universiteit gehoor dat sy nie daar kan studeer nie, omdat sy ernstige spesiale behoeftes gehad het. 'n Vorm van Disleksie: maar dit is 'n diagnose wat sy op sy kop gedraai het. Metzi van der Merwe doen verslag.

Op 'n lys van inspirerende aanhalings vir mense met spesiale behoeftes, is hierdie een van Noel Helm: Being disabled does not mean Un-abled, just Different-Abled. Dit is hoe Willemien du Toit sê sy grootgemaak is. Sy het eers op die rype ouderdom van 36 by 'n Britse Universiteit gehoor dat sy nie daar kan studeer nie, omdat sy ernstige spesiale behoeftes het - 'n vorm van disleksie. Dit is egter 'n diagnose wat sy op sy kop gedraai het. Mètzi van der Merwe doen verslag.

Deel 2: Angeline Mulder is 'n oud Suid-Afrikaner, en sy en haar gesin moes voor die brande vlug, voordat die plaas waarop hulle woon en werk, verswelg is. Angeline het vanuit Australië met Monitor oor die vreesaanjaende ervaring gepraat. .. Die treurspel is egter nie oor nie, en hier is die res van haar storie.

Die Wet op Vlugtelinge van 2008 het op 1 Januarie in werking getree. Dit stel strenger vereistes aan vlugtelinge wat asiel in Suid-Afrika soek. Dit sluit in 'n verbod op deelname aan politieke aktiwiteite, beperkings op die werk wat hulle hier mag doen, en dat hulle hulle status as vlugtelinge kan verloor indien hulle selfs net 'n ambassade van hulle land van oorsprong sou besoek. 'n Strafregkenner by die Universiteit van Pretoria, Llewellyn Curlewis, twyfel egter of die wysigings aan die Wet op Vlugtelinge wat van 1 Januarie geldig is, werklik 'n verskil gaan maak. Metzi van der Merwe het met hom gepraat.

Die brande in Australie woed steeds onverpoos voort. Die veldbrande brand tans oor 'n gebied van 300 000 hektaar en droe en warm weerstoestande maak die bestryding daarvan byna onmoontlik. Angeline Mulder is 'n oud Suid-Afrikaner en sy en haar gesin moes voor die brande uitvlug voor dit die plaas waarop hulle woon en werk verswelg het. Angeline het vanuit Australie met Monitor oor die vreesaanjaende ervaring gepraat.

Matrieks kry vandag hulle uitslae by die skole waar hulle geskryf het. Die Onafhanklike Eksamenraad het intussen gister reeds die matriekuitslae van privaatskole bekendgemaak. Die 2019-slaagsyfer is 98,82%, en het effens gedaal. Amper 12-duisend voltydse en 779 deeltydse kandidate het die eksamen geskryf, en al die kandidate se slaagsyfers voldoen aan die vereistes om verder te kan studeer. Dr. Francois Naude, 'n benoemde onderwyser en navorsingsvennoot aan die Universiteit van Johannesburg se Sentrum vir Onderwyspraktyknavorsing deel sy gedagtes oor die uitslae.

Matrieks kry vandag hulle uitslae by die skole waar hulle geskryf het. Die Onafhanklike Eksamenraad het intussen gister reeds die matriekuitslae van privaatskole bekendgemaak. Die 2019-slaagsyfer is 98,82%, en het effens gedaal. Amper 12-duisend voltydse en 779 deeltydse kandidate het die eksamen geskryf, en al die kandidate se slaagsyfers voldoen aan die vereistes om verder te kan studeer. Dr. Francois Naude, 'n benoemde onderwyser en navorsingsvennoot aan die Universiteit van Johannesburg se Sentrum vir Onderwyspraktyknavorsing deel sy gedagtes oor die uitslae.

Op 18 Junie 2002 het die SAUK se ondersoekende nuus program, Special Assignment, beeldmateriaal uitgesaai wat in die geheim deur 'n groep gevangenes by die Grootvlei tronk naby Bloemfontein opgeneem is. Die videomateriaal het gewys hoe bewaarders bottels brandewyn saam met gevangenes in hulle selle drink, en hoe korrektiewe dienste personeel dwelms, vuurwapens en ammunisie aan gevangenes verkoop. Die gebeure wat die 'Grootvlei video' oopgevlek het, is steeds van die berugste in die geskiedenis van Suid-Afrika se reg- en korrektiewe dienste stelsels. Dit word regoor die wereld gebruik as 'n voorbeeld van die korrupsie wat kenmerkend is van baie lande se gevangenisse. Dirk Malan is vandag 'n 57-jarige prokureur en beklee 'n bestuursposisie by een van Suid-Afrika se voorste privaathospitaalgroepe. Maar in 2002 was hy besig om 'n vonnis van agt jaar vir gewapende roof by Grootvlei uit te dien. In vandag se bydra in ons reeks oor Malan se merkwaardige lewe, vertel hy vir die eerste keer aan Darren Taylor die "storie agter die storie" van die Grootvlei video en die "chaos" wat die voorval voorafgegaan het.

Ons het Vrydag op Monitor met die entomoloog Prof Erik Holm oor klimaatsverandering gepraat. Die onderhoud het nogal uiteenlopende reaksie ontlok, en ons het die potgooi daarvan op RSG se webblad gesit. Maar ons sit die geprek vanoggend voort. Die omgewingsaktivismegroep Extinction Rebellion sê die afgelope jaar se vreemde weersomstandighede kan met klimaatsverandering verbind word. Mariëtta Kruger het met Andre Clements, 'n lid van Extinction Rebellion, gepraat.

Matrikulante en hulle ouers hou asem op vir wanneer die minister van Basiese Onderwys, Angie Motshekga, die matriekuitslae op 7 Januarie bekend maak. Individuele uitslae sal die volgende dag by skole afgehaal kan word. Die fokus val waarskynlik weer op óf die slaagsyfer verbeter het van die 78,2 persent van die vorige jaar. Izak du Plessis het met dr. Francois Naude, 'n benoemde onderwyser en navorsingsvennoot aan die Universiteit van Johannesburg se Sentrum vir Onderwyspraktyknavorsing gepraat.