Transnetpensioenarisse gaan die maand 'n R10 000 rand bonus ontvang. Dit in terme van die skikkings-ooreenkoms wat onderteken is. t Advokaat Anton Alberts van die Vryheidsfront Plus verduidelik.

Restaurant Mosaic in Elandsfontein in Gauteng het kulinêre geskiedenis gemaak toe dit in Parys, Frankryk aangewys is as Afrika, en Suid-Afrika se beste eetplek. Elandsfontein is sowat 18km vanaf Pretoria en 25km vanaf Johannesburg geleë. Die toekenning is deel van die gesogte La Liste (L-EAST) Wêreld Restaurant Toekennings wat vanjaar wenners gekies het uit 'n duisend restaurante wêreldwyd. Restaurent Mosaic se hoofsjef, Chantel Dartnall, is ook as een van die wêreld se 60 beste sjefs vir haar kulinêre kuns vereer. Die restaurant het 'n finale puntetelling van 94% behaal en beklee daarmee 'n 12de plek op die wêreld-ranglys. Este de Klerk het gister met Chantel uit Parys, Frankryk gesels, en haar gevra hoe dit voel om as een van die wêreld se bestes aangewys te word.

Hier in Suid-Afrika het die Minister van Gesondheid, Zweli Mkhize, verlede week n nuwe vigs-middel bekend gestel, D.T.G - 'n belangrike gebeurtenis in n land waar 7,8 miljoen van sy landgenote MIV-positief is. Met Wêreld Vigsdag gister, gee ons dan ook vanoggend aandag aan die stand van vigs in ons land. Monitor se ateljeegas, Mia Malan - die direkteur van die Mail and Guardian se BHEKI-SIESA sentrum vir gesondheids-joernalistiek...

Een van die faktore wat deur farmaseutiese maatskappye oorweeg word wanneer nuwe middels bekendgestel word, is gesondheidsfassiliteite se vermoë om die behandeling suksesvol toe te pas en voort te sit. In ons laaste bydrae oor die verhouding tussen die beskerming van intellektuele eiendom, teenoor toegang tot lewensnoodsaaklike medikasie, het Marlinee Fouche gaan ondersoek instel na die onderstrominge tussen farmaseutiese maatskappye, hulle generiese vennote en regerings...

Meervoudige middelweerstandige Tuberkulose skakel pasiënte fisies en emosioneel uit vir jare lank, indien dit nie effektief behandel word nie. Op mediese vlak word daar heelwat vordering gemaak om die impak van die siekte te verminder. Die Wêreld Gesondheidsorganisasie se riglyne, bepaal nou dat nuwe, mondelinge middels gebruik word, in plaas van ouderwetse inspuitings wat doofheid en blindheid kan veroorsaak. Marlinee Fouche het tydens haar besoek aan Indië, as deel van 'n studiebeurs, met TB-lyers uit verskeie lande oor die vorm van TB gepraat, om te hoor hoe die ou- en nuwe medikasie van mekaar verskil.

Meervoudige middelweerstandige Tuberkulose skakel pasiënte fisies en emosioneel uit vir jare lank, indien dit nie effektief behandel word nie. Op mediese vlak word daar heelwat vordering gemaak om die impak van die siekte te verminder. Die Wêreld Gesondheidsorganisasie se riglyne, bepaal nou dat nuwe, mondelinge middels gebruik word, in plaas van ouderwetse inspuitings wat doofheid en blindheid kan veroorsaak. Marlinee Fouche het tydens haar besoek aan Indië, as deel van 'n studiebeurs, met TB-lyers uit verskeie lande oor die vorm van TB gepraat, om te hoor hoe die ou- en nuwe medikasie van mekaar verskil.

As deel van ons reeks oor Intellektuele eiendom en die toegang tot lewensnoodsaaklike medikasie, word die klem vanoggend op kankerbehandeling geplaas. Suid-Afrika se wetgewing oor die beskerming van intellektuele eiendom, word gewysig om onder meer toegang tot generiese produkte te vergemaklik. Intussen is daar steeds Suid-Afrikaners wat daagliks nie sekere medikasie of behandeling kan bekostig nie, terwyl dit in Indië dieselfde kos as sigarette.

Oor die afgelope vier weke, het die Johannesburgse kopieskrywer, Deon Wiggett, in 'n reeks van vier potgooi-aflewerings onthullings gemaak dat hy en ander mans na bewering meer as 20 jaar gelede deur 'n oud-onderwyser wat daarna 'n uitvoerende beampte by die land se grootste koerantgroepe geword het, seksueel aangerand en verkrag is. Die potgooie is in samewerking met Media24 gepubliseer. Die media-woordvoerder van die Wes-Kaapse polisie, het gister bevestig dat drie strafregtelike klagte en een navraag van seksuele aanranding deur die polisie teen Wiggett se vermeede verkragter ondersoek word. Deon Wiggett is vanoggend by ons in die ateljee......

Suid-Afrika is een van die lande in die wêreld met die strengste wetgewing wat intellektuele eiendom, veral op mediese vlak, betref. Die land is in die proses om sy wetgewing aan te pas, wat groot farmaseutiese maatskappye in uitsonderlike gevalle kan dwing om pryse te verlaag, of om toe te laat dat generiese rolspelers betrokke raak. Dit gaan egter, na verwagting, eers in 2021 in werking tree. Intussen word toegang tot medikasie wêreldwyd siekte per siekte aangepak, en dit is, volgens verskeie aktiviste en rolspelers, nie goed genoeg nie. Marlinee Fouche berig meer mense eis 'n beleidsverandering.....

Die Federale Handelskommissie in die VSA het pas sy jongste verslag bekend gemaak, op watter terreine Amerikaners die meeste deurgeloop het onder bedrog van bemarkers. Ons wetenskap-korrespondent George Claassen het aan Metzi van der Merwe verduidelik wat die verslag se bevindings was..