'n Gesin van sewe sal in Augustus gemiddeld meer as drie duisend rand per maand aan voedsel bestee. Dis volgens die jongste Huishoudelike Voedselmandje van die Pietermaritzburgse organisasie, die Economic Justice & Dignity Group. Die groep sê huishoudings bestee die meeste van hulle inkomste aan kos. Jean Esterhuizen berig dat die groep wil hê 'n wye reeks kossoorte moet van BTW vrygestel word.

Met die viering van Nasionale Vrouemaand is dit ook die tyd om vroue te gedenk wat agter die skerms 'n groot rol in die geskiedenis gespeel het. Dit is die woorde van Antoinette Louw, wat die rol van "Susanna Johanna" oftewel Molly Fischer in die rolprent "An Act of Defiance" uitbeeld. Die rolprent, wat veral op die lewens van Bram en Molly Fischer fokus, het binnekort sy rooitapyt-premiere by die Silwerskermfees. Louw het vir Anna-Marie Jansen van Vuuren gesê dat sy dit veral geniet het om die rol van 'n Afrikaanse vrou te vertolk wat betrokke was in die vryheidstryd.....

Vier-en-twintig jaar ná die dood van die teoloog en moderator van die N.G. Kerk, Johan Heyns, dink die rolprentmaker Adam Heyns terug aan die rol wat sy oupa gespeel het in die beëindiging van Apartheid. Die resultaat: 'n onafhanklik vervaardigde dokumentêre film genaamd: "Johan Adam Heyns: the exorcist of Apartheid". Anna-Marie Jansen van Vuuren doen verslag.

Die departement van omgewingsake en die Vrystaatse Staatsdepartement vir die ontwikkeling van klein sakeondernemings, toerisme en omgewingsake, het oorlog verklaar teen 'n indringerspesie varswater kreef. Die indringerspesie, wat uit Amerika afkomstig is, versprei glo vinnig en is 'n bedreiging vir inheemse spesies.
Joan-Marie Verhoeg het meer...

Eskom gaan weer eens aansoek doen om vrygestel te word van minimum emissiestandaarde by baie van sy kragsentrales. Dit beteken besoedelingsbeheermaatreels soos deur die departement van Omgewingsake voorgeskryf sal - soos in 2013 - weer uitgestel word. Eskom sê hy sukkel om die standaarde toe te pas, en sal as deel van sy aansoek ook 'n openbare deelnameproses loods. Die Sentrum vir Omgewingsregte moedig mense aan om die openbare vergaderings by te woon en beswaar teen Eskom se aansoek aan te teken. Anita Visser praat met die hoof van die sentrum se besoedelings- en klimaatveranderingsprogram, Robyn Hugo.

Is daar Afrikaners vir die toekoms? - dis die vraag wat Solidariteit Akademies gaan navors het. By my in die ateljee is Connie Mulder, die Hoof van Solidariteit se Navorsings-instituut, asook dr Dirk Hermann, die Bestuurshoof van die organisasie:

President Cyril Ramaphosa se ekonomiese stimilusplan se koste vir Suid-Afrika word bereken op sowat 43-miljard rand. Die Nasionale Studente Finansieringsplan oftewel NSFAS, gaan die regering uiteindelik tot 60 miljard rand kos. Die DA se Alf Lees waarsku dat die regering se finansiële waarborg van 59-miljard rand aan staatsbeheerde instellings die staat se skuldlas gaan verhoog tot 60 persent van die Bruto Binnelandse Produk. Intussen is die staatsinkomste onder groot druk en die ekonomie groei stadig. Dit alles beloop nagenoeg 162-miljard rand wat Suid-Afrika se belastingbetalers sal moet opdok. Anita Visser praat met Professor Jannie Rossouw, Hoof van die Skool vir Ekonomiese en Sake Wetenskappe by WITS en die hoof-ekonoom by die Efficient groep, Dawie Roodt....

Die Verening van Staatsamptenare sê die regering se kat-en-muis-speletjies met die toekoms van staatsdienswerkers, is onaanvaarbaar. Die vakbond het so gereageer op gister se aankondiging deur die minister van Staatsdiens en Administrasie, Ayanda Dlodlo, dat die regering nie beplan om meer as 30-duisend staatsdienswerkers af te lê nie. Dit ondanks vroeere mediaberigte wat tot paniek in die sektor gelei het. Dlolo sê hulle oorweeg vrywillige skeidingspakkette pleks van afleggings. Die Vereniging se hoofbestuurder, Ivan Fredericks sê hulle is ongelukkig oor die regering se aankondigings in die media sonder die nodige oorlegpleging.....

'n Aansoek is gister by die Wes-Kaap Hooggeregshof ingedien waarin die Universiteit Stellenbosch Regskliniek, Summit Financial Partners en 10 van hul kliënte, regterlike ingryping versoek. Dit hou verband met onwettige skuld-invorderingspraktyke van na bewering meer as 'n miljard rand. Ons praat nou hieroor met Stephan van der Merwe, die Senior Prokureur en Notaris Publiek by die US Regskliniek..

Magnus Malan se familie beoog volgens mediaberigte regstappe na die publikasie van Chris Steyn en Mark Minnie se boek, "Seuns van Bird-eiland". Anita Visser het met Llewellyn Curlewis, 'n regskenner aan die Universiteit van Pretoria gepraat.