Venezuela word heel moontlik die wêreld se eerste moderne mislukte staat. Dit is die mening van die senior direkteur van die Universiteit van Johannesburg se Besigheidskool, Professor Lyal White. Hy het aan Marlinee Fouche gesê die land is nie net in 'n ekonomiese krisis gewikkel nie, maar ook 'n humanitêre een.

Intussen sê professor Sary Levy-Carciente aan die Sentrale Universiteit van Venezuela, en 'n Direkteur van die Nasionale Akademie van Ekonomiese Wetenskap, dat almal in die land geraak word deur die ineenstorting. Sy het aan Marlinee Fouche gesê ander lande kan baie uit Venezuela se foute leer, veral wanneer eiendomsreg en populisme ter sprake kom.

Venezuela gaan heel moontlik die wêreld se eerste moderne mislukte staat word. Dit is die mening van die senior direkteur van die Universiteit van Johannesburg se Besigheidskool, Professor Lyal White. Hy het aan Marlinee Fouche gesê die land is nie net in 'n ekonomiese krisis gewikkel nie, maar ook 'n humanitêre een.

"Almal in Venezuela word geraak deur die ekonomiese ineenstorting," sê Professor Sary Levy-Carciente aan die Sentrale Universiteit van Venezuela, en 'n Direkteur van die Nasionale Akademie van Ekonomiese Wetenskap. Sy het aan Marlinee Fouche gesê ander lande kan baie uit Venezuela se foute leer, veral wanneer eiendomsreg en populisme ter sprake kom...

Minstens sewe persent van Venezuela se bevolking het sedert 2014 uit die land migreer om van die vernietigende ekonomiese- en humanitêre krisis te ontsnap. Hoewel migrante onlangs in Brasilië met geweld begroet is, stroom mense steeds land-uit. Heelwat jong musikante en musiekgroepe het die waarskuwingsliggies egter lank gelede sien flikker, en het die land verlaat om hulle musikale loopbaan van voor af in ander lande te bou. Marlinee Fouche berig dat musiekgroepe wat stadions volgemaak het, nou in parkies en by bierfeeste speel om te oorleef...

Vroue verkies sorg-gerigte loopbane eerder as beroepe soos ingenieurswese. Dis een van die uitlatings wat die Hoof van die Suid-Afrikaanse Siviele Ingenieurs Instituut, Manglin Pillay, onlangs in die spervuur gehad het. Die uitlatings het tot oproepe vir Pillay se bedanking gelei. Anita Visser het die kwessie ondersoek.

Fair Play sê dat slegs plaaslike vervaardige hoender van BTW vrygestel moet word. Fair Play se woordvoerder, Lionel Adendorf, sê hulle sal die parlement nader oor die saak.

'n Omvattende Amerikaanse studie wat in die Britse vaktydskrif, The Lancet, gepubliseer is, toon dat te min koolhidrate jou lewe met vier jaar kan verkort. Lae koolhidraat-diete soos byvoorbeeld die Atkins-dieet het oor dekades gewild geraak as 'n soort vinnige oplossing om van oortollige vet ontslae te raak. Anita Visser berig....

Met die viering van Nasionale Vrouemaand is dit ook die tyd om vroue te gedenk wat agter die skerms 'n groot rol in die geskiedenis gespeel het. Dit is die woorde van Antoinette Louw, wat die rol van "Susanna Johanna" oftewel Molly Fischer in die rolprent "An Act of Defiance" uitbeeld. Die rolprent, wat veral op die lewens van Bram en Molly Fischer fokus, het binnekort sy rooitapyt-premiere by die Silwerskermfees. Louw het vir Anna-Marie Jansen van Vuuren gesê dat sy dit veral geniet het om die rol van 'n Afrikaanse vrou te vertolk wat betrokke was in die vryheidstryd.....

Die Suid-Afrikaanse Pluimveevereniging sê hy teleurgesteld dat hoender nie op die Woolard-paneel se lys van voorgestelde BTW-vrystellings is nie. Die paneel kon nie konsensus bereik oor watter individuele gevriesde hoenderporsies BTW vry moet wees nie. 'n Raadslid van die Suid-Afrikaanse Pluimvee Vereniging en die uitvoerende hoof van Country Bird Holdings, Marthinus Stander, sê lae inkomste huishoudings sal ekonomies baat by BTW-vrye hoenderporsies.