Die land is steeds aan't praat oor die Magnus Malan pedofilie skandaal. Alet van Rensburg-Wright van die SAUK se veel-bekroonde TV program, FOKUS, sê egter daar was ook al in die verlede reeds bewerings oor bande tussen drie oud-Nasionale Party ministers en die veroordeelde pedofiel Gert van Rooyen. Anita Visser het met haar gepraat.

Mense wat op die oewer van die Vaalrivier bly sê hulle kan nie meer toekyk hoe die water besoedel word nie. Johan de Klerk, die eienaar van die hengelbesigheid Twin Series Fishing, het 'n video op sosiale media geplaas waarin hy sê die water is so besoedel dat dooie visse en voëls orals op die walle van die rivier lê. Anita Visser het met hom gepraat.

Die Vaalrivier-streek se waterprobleme is 'n groot kopseer vir die inwoners, sedert rioolwater vanaf die Emfuleni waterwerke in die rivier gestort is. Johan de Klerk, die eienaar van 'n hengel-onderneming, het met Vincent Mofokeng gepraat...

Onwettige delwers in Kleinsee en Port-Nolloth in die Noord-Kaap dring daarop aan dat die regering hulle permitte gee. Hulle sê die gebied waar hulle delf is nie gevaarlik nie - omdat dit bogronds in die diamantryke myndorpie is. Hulle sê voortslepende botsings met die polisie verhoed hulle om te delf. Ons Noord-Kaapse korrespondent Reginald Witbooi besoek Kleinsee en het diè verslag saamgestel…

'n Oud-woordvoerder van senior weermaglede wat destyds om amnestie by die Waarheids- en Versoeningskommissie aansoek gedoen het, Generaal Dirk Marais, verwerp die beweringe dat apartheidsministers soos Magnus Malan deel van 'n pedofolie-netwerk was. Marais was die woordvoerder van Malan en offisiere soos Georg Meiring, Constand Viljoen en Jannie Geldenhuys. Die beweringe word gemaak in die boek, "Die seuns van Bird Island" deur 'n oud-polisieman Mark Minnie en 'n ondersoekende joernalis, Chris Steyn wat die naweek bekendgestel is.

Leon Wessels, 'n oud-kollega van Generaal Magnus Malan in PW Botha kabinet, betreur intussen die beweringe van 'n pedofolie-ring in die boek "Die Seuns Van Bird-eiland". Hy gee toe dat hoewel hy hoop dit word nie deur sensasie gedryf nie, die bewerings nie onder die mat gevee behoort te word nie. Metzi van der Merwe het met hom gepraat.

Generaal Magnus Malan was 'n pedofiel wat aan seksorgries met jong seuns op Bird-eiland naby Port Elizabeth deelgeneem het. Dit is nou volgens die skrywers van die boek: "Die Seuns van Bird Island", deur die voormalige speurder, Mark Minnie, en 'n ondersoekende joernalis, Chris Steyn. Die skrywers beweer dat nog 'n kabinetslid van oud-president PW Botha en 'n sakeman se name genoem word as deel van die seksnetwerk. Die opdraggewende redakteur van Tafelberg uitgewers, Maryna Lamprecht, het aan Metzi van der Merwe gese^ die aantygings teen Malan en die ander is ontstellend.

Internasionale borsvoedingsweek begin vandag, met die tema "Borsvoeding as Fondament van Lewe". Verskeie organisasies, insluitend die Wêreld Gesondheidsorganisasie en UNICEF, is deel van die veldtog. Die doel van die week is om bewusmaking te skep dat borsvoeding 'n groot rol speel in voeding, voedselsekerheid en die verligting van armoede. Marlinee Fouche berig dat baie Suid-Afrikaanse vroue toenemend hierdie metode verkies. Hoewel dit heelwat gesondheidsvoordele vir beide ma en kind inhou, is dit egter iets wat nog nie geredelik in die samelewing aanvaar word nie.

Wat presies gebeur met 'n lyk wat vir mediese navorsing en opleiding geskenk word? Baie mense het in die vraag belanggestel na Monitor verlede week berig het oor alternatiewe tot tradisionele begrafnisse en verassings. Monitor het Maandagoggend verduidelik HOE iemand kan verseker dat hulle wel geskenk word. Vandag berig Hanri Wondergem oor wat met die lyk gebeur sodra dit by die universiteit aankom....

'n Grondberaad met 'n verskil. So beloof een van die sameroepers van 'n byeenkoms wat volgende woensdag in die kasteel in Kaapstad gehou word. Die beraad sal verskeie verteenwoordigende groepe van die sogenaamde Eerste Nasie onder een dak byeen bring. Hoofregter Mogoeng Mogoeng sal ook saam met kerk- en politieke leiers en die boeregemeenskap insette lewer oor hoe die grond- en identiteits kwessie aangepak moet word. Anita Visser lei die gesprek.