Die Raad van Onderwysministers - dit is nou provinsiale onderwysministers plus die minister van Basiese Onderwys - het die departement van Basiese Onderwys se beleid oor tuisonderrig goedgekeur. Daar word verwag dat die minister, Angie Motshekga, dit binnekort sal bekragtig. Dit volg na byna vier jaar van raadpleging met verskeie belanghebbendes. Anita Visser het met die departement sowel as een van die belangehebbende instansies, die Pestalozzi Trust, gepraat.

Ons het verlede week op Monitor berig oor alternatiewe tot tradisionele begrafnisse en verassings. Van die luisteraars het voorgestel dat lyke vir mediese navorsing geskenk word. Ons is toe gevra hoe om te werk te gaan om dit te doen - en Monitor het die antwoord. Hanri Wondergem berig dat dit 'n eenvoudige proses is.

'n Toename in organiese eetgewoontes in Europa, verhoog die behoefte aan organiese produsente, veral in Nederland. Marriam Fabri van BioNext in Holland sê die bedryf kan nie voorbly met die vraag en aanbod nie. Malixole Gwatyu is een van die joernaliste wat deur die Nederlandse Ambassade in Suid-Afrika na die 2018 Wêreldkongres vir Landboujoernaliste in Nederland genooi is. Hy het die verslag saamgestel....

Om kwart voor tien - Maandag oggend, 4 Desember 2017, open die hoof van Steinhoff se ouditkomitee, Steve Booysen, 'n epos wat sy vermoede bevestig, daar was fout met Steinhoff se boeke. In een week verloor die groep 200 milrand rand se waarde en een van die land se rykstes, Christo Wiese is 37 miljard rand kwyt. G.T Ferreira verloor effektief meer as 'n miljard rand in die debakel. Hy beskryf sy gevoelens as: "Skok, ongeloof. Jy is kwaad vir jouself. " Wiese sê eenvoudig: "Die krisis het ons soos n weerligstraal uit die bloute getref." Oor die einste aandele Dood-Spiraal, het James-Brent Styan nou n boek geskryf. Steinhoff en die Stellenbosse boys - hy is dan ook vanoggend die ateljeegas....

MONITOR se kollegas in Kaapstad berig al vir maande lank oor die geweld op die Kaapse Vlakte. Vrydag het ons die nuus gedra dat die Minister van POLISIE, BHEKI CELE, gesê het dat die weermag beslis nie op die vlakte ontplooi gaan word nie, ten spyte van opposisie politici wat glo die weermag is die antwoord op die voortslepende bende en dwelm-verwante geweld, wat maandeliks nuwe lewens eis. Maar wat is die ROL van die weermag en wat DOEN soldate nou eintlik as hul nie op vredes sendings ontplooi word nie? Is dit nie n praktiese idee om hulle dan juis te ontplooi op die VLAKTE waar die polisie klaarblyklik nie in beheer is van die situasie nie? Ons steek vanoggend kers op by Professor Abel Esterhuyse van die Fakulteit KRYGSKUNDE aan die Universiteit van Stellenbosch:

Vanoggend is ons tema leierskap na aanleiding van die 100-jarige herdenking van die geboorte van Nelson Mandela, wat sy filosofie daaroor so gedefinieer het: "Lead from the back - and let others believe they are in front." Anita Visser praat met professor Piet Naude van die Universiteit van Stellenbosch se sakeskool.

Wanneer jy die naam "Koos van der Merwe" hoor, dink jy dalk aan 'n Vrystaatse boer in kakhi-klere. Maar...daar's 'n "Koos van der Merwe" in Hong Kong, met 'n winkel in die hart van Tsim Sha Tsui in Kowloon. Sy regte naam is PC Cheng. Hoewel hy 'n gebore Chinees is, is hy in sy hart 'n Suid-Afrikaner, en het hy oor die 40 jaar van sy winkel se bestaan deel geword van die uitgebreide Suid-Afrikaanse Lugdiens-familie. Sy bynaam "Koos van der Merwe" het hy jare gelede by 'n Suid-Afrikaanse vrou gekry, wat glo sy meisie was. Liela Magnus het by hom in sy winkel gaan kuier....

As jy 'n voorliefde vir motors het, wag daar 'n skatkis op jou in die Karoo... Karre en vragmotors wat oor die laaste eeeu vervaardig is, word in Loxton uitgestal. Reginald Witbooi het gaan ondersoek instel en uitgevind dat al die motors nog in 'n werkende toestand is.

Gee ons kunswerke terug OF stal dit uit! So roep die openbare program koordineerder by Iziko Museums, Wandile Kasibe, luidkeels uit. Hy is nie al een met die mening nie. 'n Kultuurhistorikus by New York Universiteit, Nicholas Mirzoeff, is ook van mening dat museums in hoofsaaklik Westerse lande, Afrika kunswerke in die argief wegsteek, eerder as om Afrikane die geleentheid te bied om hulle kulturele skatte te besigtig. Kasibe en Mirzoeff het by die Nasionale konferensie van die Suid-Afrikaanse Visuele Kuns-historici in Stellenbosch met Anna-Marie Jansen van Vuuren gepraat.

'n Groep boere en ander inwoners van die gebied tussen Mahikeng en Zeerust in Noordwes voer 'n verbete stryd teen 'n mynmaatskappy wie se bedrywighede die omgewing kan skaad. Dit volg nadat die maatskappy Viturtrax planne bekend gemaak het om drie mynaanlegte in die omgewing te bedryf. Die gemeenskap sê die die bedrywighede gaan 'n sensitiewe vleilandgebied vernietig. Izak du Plessis berig.