WAARSKUWING: Inhoud is seksueel van aard. Die Nasionale Departement van Basiese Onderwys stel voor dat omvattende vseksoorligting deel vorm van die nasionanle kurrikulum. Tans fokus die Nasionale Beleid oor seksvoorligting op aborsies en voorbehoedmiddels. Daar is 'n openbare deelname-proses in hierdie verband aan die gang en Joan-Marie Verhoef berig dat rolspelers gemengde gevoelens hieroor het.

INTRO:: Duduzane Zuma, die seun van oud-president Jacob Zuma het vanoggend in die handelshof in Johannesburg verskyn op 'n aanklag van korrupsie. Dit hou verband met sy rol in 'n beweerde poging deur die Gupta-broers om die voormalige adjunk-minister van finansies, Mcebisi Jonas met R600 miljoen om te koop. Luidens naweek-koerantberigte het Duduzane en sy prokureur, Rudi Krause Donderdag saam uit Dubai in Suid-Afrika aangekom. Die Valke is glo ontbied en Duduzane is vir 'n wyle op die OR Tambo-lughawe aangehou. Zuma verskyn ook later die week in die Randburgse landdroshof op klagtes van strafbare mansslag wat verband hou met 'n motorongeluk in 2014. Die politieke ontleder, Dr Piet Croucamp en Llewellyn Curlewis, 'n strafregkenner praat met Suzanne Paxton...

Die onwettige handel in sigarette loop hand aan hand met staatskaping. So glo die Tabak instituut, Tisa, na gesamentlike navorsing met Ipsos. Die instituut beskuldig drie kleiner tabak maatskappye daarvan dat hulle aksyns belasting van minstens sewe miljard rand ontduik het. Volgens Tisa, is die ongeruimthede moontlik gemaak deur die Suid-Afrikaanse Inkomste diens se doelbewuste besluit om inspeksies by tabak fabrieke te stop. Die besluit is onder leiding van die nou geskorste SAID-kommissaris Tom Moyanê gemaak. Metzi van der Merwe berigdat die 2018 Nasionale Tabak Mark Studie toon dat byna 80 % van onwettige sigarette in die informele sektor verkoop word.

Project Leopard Conservation sê hy is geskok dat die Sjinese regering enige permitte sou uitreik vir die jag van luiperds sodat die bene in tradisionele medisyne gebruik kan word. Die permit is reeds op 16 Junie uitgereik aan 'n individu om meer as een komma twee ton luiperd- bene aan 'n farmaseutiese maatskappy te voorsien. Die maatskappy is bekend vir hulle sogenaamde Tiger Water waarvan die hoofbestandeel, luiperd-bene in rys-asyn geweek is. Fred Berranger die direkteur van Project leopard Conservation sê in ag genome dat Sjina nie 'n groot luiperd bevolking het nie en dat die luiperd as hoogsbedreig gelys is, is die bene heelwaarskynlik onwettig verkry uit ander lande

In Suid-Afrika word leeus gestroop vir verskillende liggaamsdele en nie vir hulle gebeentes nie. So sê 'n Senior Handelsbeampte, by die Natuurlewe en Handelsprogram van die Endangered Wildlife Trust, Dr Kelly Marniwicke. Dit volg nadat ses leeus die afgelope naweek in die De Rust omgewing in Limpopo vergiftig is.

Die Noord-Kaapse gesondheidsdepartement gaan negentig nuwe verpleërs oplei, om die kroniese tekort aan gesondheidspersoneel in die provinsie te verminder. Die studente sal verpleegdiplomas ontvang, nà die voltooing van hulle kursus by die Henrietta Stockdale-verpleegkollege in Kimberley. Na hul kwalifisering sal hulle posisies vul wat verloskunde, gemeenskaps en psigiatriese gesondheidsverpleeg insluit. Reginald Witbooi het hierdie verslag saamgestel.

Grahamstad in die Oos-Kaap se naam word na Makhanda verander. Die Minister van Kuns en Kultuur, Nathi Mtetwa, het die naamsverandering in die staatskoerant gepubliseer, na 'n openbare deelname proses. Makhanda was 'n Xhosa vegter, wat sy nasie verenig het in hul stryd teen die Britse Ryk.

Die Suid-Afrikaanse Inkomstediens moedig belastingbetalers aan om hul opgawes op die internet in te dien om die aantal mense by Jan Taks se kantore te verminder. Die belasting seisoen het amptelik op 1 Julie begin.

Die hoof van Tegniese Afdeling by die Suid-Afrikaanse Instituut vir Belasting beroepslui, Piet Nel, het met Anita Visser gesels oor die belastingseisoen wat begin het. Hy gee ook praktiese raad vir belastingbelaters wat hul opgawes gaan indien.

Kinders behoort beskerm te word teen protes optogte by skole. So sê advokaat Anton Alberts van die Vryheidsfront plus. Die party het 'n kennisgewing gepubliseer, dat die publiek nou 30 dae tyd het om te reageer op 'n privaatlid wetsontwerp, wat protesoptogte by plekke van onderrig sal verbied.