Huldeblyke stroom steeds in vir die Amerikaanse komediant en akteur Robin Williams ná sy selfdood. Hy was 63 jaar oud. Sy aanhangers sal hom onthou as 'n veelsydige akteur wat in talle rolprente sy merk gemaak het. Luister na 'n rits van sy bekendste aanhalings in rolprente.

Depressie is in die kollig na die selfmoord van die gewilde akteur Robin Williams. Die Amerikaanse Nasionale Instituut vir Geestesgesondheid beraam dat minstens 16 miljoen Amerikaanse volwassenes daaraan ly. Maar hoe staan sake in Suid-Afrika? Anita Visser praat hieroor met Lian Taljaard van die Suid-Afrikaanse Vereniging vir Angs en Depressie.

Dag 20 het aangebreek. Die dapper trekkers, Foeta Krige en Barend la Grange is nou in Addis Ababa in Ethiopië na 'n uitmergelende rit van sowat 1500km van Nairobi tot in Addis. Foeta Krige vertel meer van hulle ervaring.

Die wêreld se nuutste passasiersvliegtuig, die Airbus A350 XWB, het die naweek die eerste keer in Suid-Afrika geland. Die vyfde prototipe het belangrike toetse by die OR Tambo-lughawe in Johannesburg kom uitvoer. Justin Kennerley was daar.

Daar kom dalk 'n radikale hervorming van die matriek-kurrikulum. Die minimum slaagsyfer kan opgeskuif word en wiskunde verpligtend gemaak word. Die verslag van 'n ministeriële taakspan word nou deur die departement bestudeer, waarna aankondigings daaroor gemaak sal word. Cobus Bester praat hieroor met 'n onderwyskenner, prof. Kobus Maree van die Universiteit van Pretoria.

Christine Robinson is gister wreed op haar plaas sowat 15 km buite Thabazimbi vermoor. Dit is een van drie plaasaanvalle wat gister aangemeld is. In die ander voorvalle is drie vroue en 'n baba van Chrissiesmeer in Mpumalanga en 'n boer van Camperdown in KwaZulu-Natal aangeval. Die Menseregtekommissie het onlangs aangedui dat hy plaasaanvalle gaan ondersoek. Izak du Plessis het in die lig hiervan 'n week in die Oos-Vrystaat deurgebring om uit te vind hoe plaasaanvalle gemeenskappe raak.

Die ouditeurgeneraal, Kimi Makwetu, sê wanbestuur van die verkrygingsprosesse en onreëlmatige uitgawes gebeur nog op groot skaal in plaaslike regerings. Makwetu het sy jaarlikse verslag oor plaaslike regerings in Pretoria bekendgemaak. Hy sê uit die 319 oudits wat voltooi is, het slegs 22 munisipaliteite en agt openbare entiteite skoon oudits ontvang. Makwetu sê daar is mense wat al vir jare in die finansiële departemente van munisipaliteite aanbly, ongeag die feit dat die munisipaliteite nie skoon oudits kry nie. Cobus Bester praat hieroor met 'n onafhanklike konsultant, Werner Zybrandts.

Drie verdagtes in die moord op die Schuttes van Richmond in KwaZulu-Natal sal Donderdag gevonnis word. Dit vestig weer die aandag op plaasmoorde. Mense wat hierdeur geraak word, leef in onsekerheid en vrees. Izak du Plessis het 'n week in die Oos-Vrystaat deurgebring om tussen al die politieke retoriek en onsekerheid oor die verskynsel by boere self uit te vind hoe dit hulle raak.

Die soldaat, Dean Goodson wat in die Israeli weermag veg, is 'n Israelse burger. So vertel die nasionale direkteur van die Suid-Afrikaanse Zioniste Federasie, Isla Feldman. Die plaaslike Palestynse ondersteuningsgroep, Action Forum in Support of Palestine, het vroeër 'n klag by die polisie aanhangig gemaak dat Goodson 'n huursoldaat is.

Die humoris Mark Banks sê komedie is deesdae veel moeiliker as 20 jaar gelede. Banks sal die naweek 'n toekenning ontvang by die Comic Choice Toekenings vir sy lewenslange bydrae tot komedie.