Een van die nuusgebeure wat in 2014 nie net die land se politici laat regop sit het nie, maar ook die aandag van bekommerde ekonome getrek het, was die voortslepende AMCU-staking. Dit het Noordwes se platinumgordel vir meer as vyf maande lank in die nasionale kollig geplaas. Die 25-jarige Johan Koereia het in Mei aan Melissa Tighy vertel hoe uitmergelend die staking was vir mynwerkers op grondvlak wat ander maniere moes vind om hulle daaglikse brood te verdien…

MONITOR is vandag 40 jaar oud. Toe die program met Cobus Robinson aan die stuur, op 1 Julie 1974 by Fanus Rautenbach se FLINK UIT DIE VERE oorvat, was die gort behoorlik gaar. Die ou Afrikaanse diens se luisteraars was min beindruk met die verandering van roetine. Oor die jare het Monitor egter sy merk gemaak en die land se stories vertel - eers amptelik verwoord deur die kerkvaders en die Nasionale Party, maar mettertyd het gewone Suid-Afrikaners ook hulle spreekbeurt gekry. Anita Visser het ter viering van Monitor se 40 jaar op die lug, in die SAUK se klankargief gaan krap…

Van Gary Player wat persoonlik hulde bring aan sy held, Hendrik Verwoerd, tot Anneline Kriel se bontstaan om apartheid aan die Mejuffrou Wêreld beoordelaars in Londen te verduidelik, het Monitor oor die jare die nuus op 'n manier vertel wat tipies van die tydsgees was. Anita Visser het in die SAUK se klankargief op die volgende toespraak van premier John Vorster afgekom…

Landbou is soos enige ander bedryf 'n sakeonderneming, maar dit word uitgesonder vir die verdeling van rykdom sê die parlementêre verteenwoordiger van Agri-SA, Annelize Crosby. Sy het reageer op die minister van Landelike Ontwikkeling en Grondhervorming, Gugile Nkwinti, se voorstel vir grondhervorming.

Transformasie by die Universiteit Stellenbosch was een van die besprekingspunte by gister se US-raadsvergadering. Twee ander Afrikaanssprekende universiteite, Noordwesuniversiteit en die Universiteit van die Vrystaat, was ook onlangs in die nuus oor transformasie. Anita Visser praat hieroor met met die rektor van Universiteit Stellenbosch, prof. Russel Botman.

'n Anonieme plaaswerker sê hy soek nie grond nie. Hy wil eerder vaardighede aanleer sodat hy kan uitstyg. Hy is nie ontevrede met sy werkgewer nie, maar daar is min kans vir vordering. Die man is die derde geslag op die plaas.

Die minister van landelike ontwikkeling en grondhervorming, Gugile Nkwinti, se voorstel dat boere 50-persent van hulle grond aan werkers moet gee, is so onprakties dat dit nooit geïmplementeer sal word nie. Dit is die mening van prof. Ruth Hall, 'n navorser by die navorsingsgroep PLAAS.

'n Onlangse uitspraak in die Arbeidshof oor seksuele teistering, het die wenkbroue laat lig. Die hof het gelas dat 'n man, wat afgedank is weens beweerde seksuele teistering, weer in sy pos aangestel moet word.

Die leier van die EFF, Julius Malemam, is gisteraand gevra om die Nasionale Vergadering te verlaat nadat hy geweier het om sy aanmerkings tydens die eerste dag van die staatsrededebat terug te trek. Hy het die ANC-regering daarvan beskuldig dat hulle verantwoordelik is vir die moord op mynwerkers twee jaar gelede by Marikana.

Oudpresident Nelson Mandela is in sy laaste jare afgesonder, aan dikwels swak mediese behandeling blootgestel, en 'n interne politieke speelbal gemaak deur gesinslede en amptenare om hom. Sy jarelange getroue persoonlike assistent, Zelda le Grange, maak die skokonthullings in haar boek wat vandag op die rakke verskyn. GOEIE MÔRE, MNR. MANDELA is nie 'n volledige outobiografie nie, maar wel 'n aangrypende verslag van die amper 20 jaar wat die lewe van 'n jong vrou onherroepelik verander het.