Die leier van die Demokratiese Alliansie, Helen Zille was in Richie naby Kimberley die naweek, as deel van die party se verkiesingsveldtog in die provinsie. Zille het op X-Kfm se naweek aktualiteits program gesê sy is baie bevooreg om op die San gemeenskap se radiostasie te praat.

Is dit vanjaar die verkiesing waarin die ANC bloedneus gaan kry by die stembus? Daar is sekerlik opposisiepartye wat so dink. En kyk 'n mens na die chaos van gewone mense wat die afgelope jaar of meer toenemend gewelddadig hulle misnoeë met swak dienslewering en korrupsie te kenne gee, dan is die versoeking om met daardie siening saam te stem. Maar die geskiedenis van die afgelope 20 jaar het 'n mens al moes leer: kiesergedrag volg nie altyd die konvensionele paadjie nie. By ons in die ateljee vanoggend is die politieke ontleder, Prof. Susan Booysen van die Universiteit van die Witwatersrand...

Gesondheids- en gemeenskapswerkers vergelyk die verkragting van verstandelik gestremde meisies en vroue in Suid-Afrika met 'n plaag wat gemeenskappe teister. Hulle sê bitter min mans wat misdade teen gestremde vroue pleeg, word vervolg. Die rede hiervoor, volgens menseregte-aktiviste, is dat baie gemeenskappe verstandelik gestremde mense as "nikswerd" beskou. Ikhaya Loxolo, of Huis van Vrede, is 'n tehuis in die Hobeni-distrik in die Oos-Kaap wat skuiling bied aan sommige van hierdie vroue en meisies. Darren Taylor het 'n week daar gebly en doen verslag.

Die Openbare Beskermer, Thuli Madonsela, maak vandag haar verslag oor president Zuma se verbeterings by sy privaatwoning openbaar. Meer as 200-miljoen rand se verbeterings is by Nkandla aangebring. Cobyus Bester praat hieroor met prof. Erwin Schwella by die Skool van Openbare Leierskap aan die Universiteit van Stellenbosch.

'N Nuwe era vir Suid-Afrikaanse krieket het aangebreek met die vertrek van 'n aantal topspelers. Die uittrede van die nasionale kaptein, Graeme Smith, Jacques Kallis, een van die wêreld se beste spelers ooit, die strydros-paaltjiewagter Mark Boucher. Hulle vertrek het gekom te midde van 'n aantal omwentelinge in wêreldkrieket. Ondermeer sal die aankondiging dat die swaargewigte Indië, Engeland en Australië, groter besluitnemingsmagte in die Internasionale Krieketraad verkry nuwe uitdagings aan die spel in Suid-Afrika stel. Ons praat met bedryfshoof van The Unlimited Titans, Jacques Faul, en 'n voormalige nasionale speler in toetse en eendagkrieket en huidige TV-krieketkommentator, Boeta Dippenaar, oor die pad vorentoe vir Suid-Afrikaanse krieket.

Die eerste operasie in Afrika om 'n slagoffer van genitale verminking se geslagsdele te herstel, vind Saterdag in Burkina Faso plaas. Volgens die nie-winsgewende organisasie CLITORAID is dit die eerste van baie soortgelyke prosedures wat hulle beplan om uit te voer. Dit val saam met die beplande bekendstelling van die eerste hospitaal wat hierdie soort operasies sal uitvoer. Ons waarsku sensitiewe luisteraars dat die volgende bydrae mediese beskywings bevat wat aanstoot mag gee.

Die IT-projekbestuurder, Charl Johnson, sal vandag weer in die getuiebank inskuif in die Noord-Gauteng Hooggeregsfhof nadat sy getuienis gister onderbreek is. Johnson getuig teen die lemnaelloper, Oscar Pistorius. Johnson se getuienis is onderbreek sodat hy notas wat hy na die voorval gemaak het aan die verdediging kan gee. Terwyl hy afgestaan het, het voormalige vriende van Pistorius getuig hoe Pistorius 'n vriend gevra het om namens hom verantwoordelikheid te aanvaar vir 'n pistoolskoot wat per ongeluk in 'n restaurant in Johannesburg afgevuur is.

Die staat se eerste getuie sal vandag haar getuienis in die Noord-Gauteng Hooggeregshof voortsit. Michelle Burger bly in 'n landgoed langs Oscar Pistorius en haar huis is minder as 200 meter van sy huis af. Pistorius het skuld ontken op 'n aanklag van moord, twee aanklagte van die onwettige afvuur van 'n vuurwapen en die onwettige besit van ammunisie. Pistorius se advokaat Barry Roux sal vandag sy kruisondervraging van Burger voortsit. Pistorius het verlede jaar sy vriendin, die model Reeva Steenkamp, in sy huis in die Silver Woods-landgoed doodgeskiet.

'n Bejaarde egpaar en hulle seun, op besoek uit Duitsland, is op 'n kleinhoewe buite Richmond in die Middellande van KwaZulu-Natal vermoor. Die gesin was besig om 'n verjaarsdagpartytjie te reël. Die polisie sê die 77-jarige Eckhardt Schutte, sy 66-jarige vrou Elizabeth en hulle 33-jarige seun Lutz is doodgesteek. Die huis is deursoek en dit lyk of die aanvallers met die gesinsvoertuig en twee vuurwapens weggekom het. Die KwaZulu-Natalse Landbou-Unie het die moorde veroordeel.

Kenners meen dat Oscar Pistorius se hofgeding 'n baanbrekersaak kan wees vir forensiese getuienis in Suid-Afrika. Met die moordverhoor wat Maandag begin, het joernaliste reeds begin regmaak om die groot hofsaak te dek. As deel hiervan, het die Wits Justice Project, saam met Wits se Joernalistiek Departement 'n werkswinkel aangebied. Anna-Marie Jansen van Vuuren het dit bygewoon.