Musow ka kɛnɛ

Bi musow ka kɛnɛ bɛ kuma saniya de kan, jɛɲɔgɔnmaw ani furuɲɔgɔnmaw ni ɲɔgɔn cɛ. Yala sanuya bɛ se ka matarafa cogo di olu ni ɲɔgɔn cɛ. Kasɔrɔ sanuyabaliya kɛlen don ka degun ni gɛlɛyaba lase jɛɲɔgɔnmaw ni furuɲɔgɔnmaw ma, sabu la ale ɲɛnɛmaya jɔsen dɔ ye. Jɛɲɔgɔnmaw ka sanuya sigilen bɛ minu kan, Koumba Kanouté n’a ka mɔgɔ welelenw b’o ɲɛfɔ an ye. 

Ni wari be muso fɛ, a b’a yɛra fisaya cɛw ma. Walima  a be sɔn ka yɛlɛ ka lɔ a cɛ kunna. Dɔw fana b’a fɔ ko bi bi in na, ni muso te baara la, walima n’a te ka fɛn kɛ a yɛrɛ ye, a ka gɛlɛ a ka furu ka sabati. Nin hakilina sugu nunu, an ka teli k’u mɛn maaw fɛ, an fɛ Farafinna. Bɛɛ n’a ka hakilina don. Nga a tiyɛn yɛrɛ ye jumɛn ye? Yala furumuso ka kan ka se k’a yɛrɛ ta wa?

Bi, an be kuma baabu min kan, o ye muso ka se a yɛrɛ kɔrɔ sɔrɔ sira fɛ, yala o be se ka furuso sigi nɔgɔy’a bolo wa? An bena masala o baabu de kan nin kɛnɛ in kɔnɔ. An be Mahoua Bakayoko de bisimila. Gafesɛbɛnna don ka bɔ Cote d’Ivoire jamana na.

Bi musow ka kɛnɛ kan an bɛ kuma musow jɔyɔrɔ de kan kɛlɛw ɲɛnɛbɔli la ani bɛn kumaw sabatiliw la. Ɔkutɔburukalo tile 31 san 2000 diɲɛ tɔnba ka lakanako bolofara ye latigɛ ta u ye min tɔgɔda ko "résolution 13.25", musow, bɛn ani lakana kan. O latigɛ in b'a laɲini musow sen ka don kɛlɛ kumaw la, a ɲɛnɛbɔliw ani musow ka lakana ka bɔ cɛ ni musoya binkaniw ma.

O la Koumba Kanouté ye wele bila musow ka hakɛw lafasalikɛla belebele fila ma. Fɔlɔ ye Mme Hadja saran Daraba Kaba ye, ale bɛ bɔ La Guinée, ale ye "Réseau des femmes Mano pour la paix REFMAP" jɛkulu ɲɛmgɔ dɔ ye. Filanan ye Mme mada Sangaré ye ka bɔ Côte d’ivoire ale  fana ye musow ka hakɛw lafasalikɛla belebele ye.  

San o san, den musomannin ba caman de b'u ka denmisɛnya dɔnnen ye bɔgɔ la k'a sababu kɛ furujoona ye. Denmaasa dɔw bolo, o y'u ka laada ye, sɔrɔsira don  dɔw bolo,  wa fɛɛrɛ fana don dɔw bolo k'u ka denw lakana u ka fɔ la. Wale in kɔlɔlɔtan tɛ u kan, sabu la a dɔw be kalan bila, kɔnɔbara balalenw ani bana be sɔrɔ u fɛ fana. Sisan, mun de ka kan ka kɛ walasa ka denmusow tanga furujoona ma, bi Musow ka kɛnɛ jɛmukan be kuma o de kan.

Farafinna yɔrɔ caman na, filiyamusow walima cɛsamuso, ka furu kokura a cɛ balima dɔw ma, n'an ko ma ko ciɲɛtafuru. Mɔgɔ dɔw bolo, o furuw be kɛ walasa ka musow ani denw lakana. Dɔw fana bolo, a be muso kumada bɔsi a la sabu la ko dɔw fɛla te ɲininga. Musow ka kɛnɛ jɛmukan be kuma o ciɲɛtafuru de kan bi ani k'a gɛlɛyaw fana dɔn.

Waatiyɛlɛma ye ko ye bi min kɔlɔlɔ be ka ye mɔgɔw ka taabolow la. Kɛrɛnkɛrɛnnenya la an ka togodaw la musolakaw, olu minnu yɛrɛ kɛlen don bi ka fɛɛrɛw tigɛ walasa ka gɛlɛyaw kunbɛn diɲɛ don o don baaraw la. U be ka se cogo di k'u ka adamadenya kɛ waatiyɛlɛma in kɛrɛfɛ ani fɛɛrɛ jumɛnw de b'u bolo a ko kama. Aw ka bi jɛmukan bena kuma o de kan. 

 Hakilinaw de falenna wa, u be ka ta fariɲawale ani degun de kama wa? Yala furusa laɲini cayali musolakaw fɛ, o be furu gɛlɛyabaw kofɔ wa? Mun yɛrɛ de be ka musow bila furusa laɲini na, Lalaicha DOUCOURE n'a ka maaweelelenw bena kuma o de kan bi.

Kalolabɔ ye fɛn ye min ka kan, n'a be muso ani bogotigini miliyɔn caaman de sɔrɔ kalo o kalo. Nga, a ko kuma te kɛ ka caya, yɔrɔ dɔw yɛrɛ la a foli ye maloya ko ye. O kama, mɛkalo tile 28 bilala senkan, ka o kɛ a tɔgɔladon kɛrɛnkɛrɛnnen ye walasa ka hakiliw dayɛlɛ a ko kan. Musow ka kɛnɛ bena kuma o de kan bi, taabolo jumɛnw be ta a waati ani yɛrɛtanga fɛɛrɛ musow ka kɛnɛya ani u ka yiriwa kama.

Seliba y'a kunbɔ. Sugu kɔnɔ, jagofɛnw sɔngɔ yɛlɛla kosɛbɛ wa denbayaw be wulikajɔw la ka se ka seli in laɲanamaya. Nka ni don in labɛnni gɛlɛya bɛ be musolakaw de kan. Nafolo bɛrɛ tɛ di u ma don in labɛnni kama nka u be ko bɛɛ kɛ ka se ka bɛɛ nimissi wasa. U ka fɛɛrɛw, ka don in labɛn, an bena kuma o de kan bi, aw ka jɛmukan mandi kɛnɛ kan. Lalaïcha DOUCOURE n'a ka maa weelelenw bena o de walawala an ye. 

Ka kɛɲɛ ni kuma caman ye muso furulenw da la den ko la, muso caman de ka diɲɛlatigɛ gɛlɛyalen don bi, wa dɔw fana ka furu sara k'a sabu kɛ waleya in ye. Walasa k'a kow faamu ni ka fɛɛrɛ sɔrɔ a la, aw ka jɛmukan mandi Musow ka kɛnɛ, ale be kuma o de kan bi. Ka a ko gɛlɛyaw dɔn ni ka fɛɛrɛ sɔrɔ a la, Lalaïcha DOUCOURE n'a ka mɔgɔ weelelenw be kuma o de kan bi.