Musow ka kɛnɛ

 Ka kɛɲɛ nin ntonlantan tɔgɔladon kɛrɛnkɛrɛnenye diɲɛ kɔnɔ, o min bɛ ɲɛnamaya san o san mai kalo tile mugan nin duuru.
Alini o lon in tɛmɛna an latigɛ ka musow ka kɛnɛ baabu sigi o kan. An ka bi jɛmukan bɛna kuma musow ka ntonlantan de kan.

Bɛɛ b’a don ko an ka Farafinna jamanaw kɔnɔ, musow ka   ntonlantan jatilentɛ kɔsɔbɛ i’n’afɔ cɛw ta. Ɲinigali bɛ yɔrɔmina o ye, mun de kama musow ntonlantan tɛ ka ɲɛtaga sɔrɔ Farafinna. An ka bi mɔgɔw weelelenw ye, Djénéba Konaré ye, ntonlantan don ka bɔ Tamba dugu la Sénégal jamana kɔnɔ.

Londa filanana o ye SEGA Diallo ye, ale ye ntonlantan kulu AS BOLOANTA ɲɛmɔgɔ ye ka bɔ Guinée jamana kɔnɔ.

Sénégal marabagaw y'a latigɛ ko dɔ ka fara sokɔnɔbaaralaw ka sara dugumada kan. O latigɛ tara nin y'a dɔgɔkun damanin ye. Baarakɛlaw yɛrɛ y'a jatminɛ cogo di? Baaratigiw bɛna se k'o latigɛ labato wa? Musow ka hakɛ lafasabagaw hakilina ye mun ye? An ka bi jɛmukan bɛ sigi o de kan. Aw bisimila

Mɛkalo tile 12 bɛ ɲɛnɛmaya diɲɛ kɔnɔ, i ko muso jatekalannaw tɔgɔladɔn kɛrɛnkɛrɛnnen ye. O min sɔrɔla muso jatekalanna Maryam Mirzakhani, ka jɔnjɔn sɔrɔli hukumu kɔnɔ san 2014 na. Nin don kɛrɛnkɛrɛnnen in kun ye ka muso jatekalannaw ka baaraw lakodɔn diɲɛ kɔnɔ, ani k'u kɔkɔrɔmadon jatekalan na. O hukumu kɔnɔ, munna bi, bogotigininw bɛ siran jatekalan ɲɛ, Koumba Kanouté n’a ka mɔgɔ welelenw b'o walawal'an ye.

Musolajigidɔgɔtɔrɔw ka tɔgɔladon kɛrɛnkɛrɛnnen  bɛ ɲɛnamaya san o san mɛkalo tile duuru. An ye bi jɛmukan sigi olu ka baara de kan.. O lon in sigikun ye ka musolajigidɔgɔtɔtɔw ka baara kɛlenw jira diɲɛ na, janko an fɛ Farafinna yan, Musolajigidɔgɔtɔrɔw nafa ka bon kosɔbɛ muso kɔnɔmanw ladonni na.

Bi musow ka kɛnɛ jɛmukan kɔnɔ, an be kuma hakili duman dilannen de kan, musow ka baara kɔnɔna na. Ni hakili duman dilannen labaarala ka ɲɛ, a be se ka kɛ sababu ɲuman ye musow ma u ka baara tagabolo la wa? A be se ka kɔlɔlɔ lase u ma, n'a ma labaara ka ɲɛ wa? O la hakili duman dilannen jɔyɔrɔ be se ka kɛ mun ye musow ka baara kɔnɔna na, a bɛ se k'u dɛmɛ cogo di?  Koumba Kanouté n'a ka mɔgɔ welelenw b'o walawala an ye. 

Diɲɛ kɛnɛyako tɔnba ka jateminɛsɛbɛn laban y'a yira ko muso 712 de be faatu, u ka kɔnɔmaya walima jiginni senfɛ, ko o min be bɛn muso kelen ma sanga 2 o sanga 2. San laban min jate b'u bolo, o ye san 2023, ale b'a yira ko muso 260 000 de tora musokɛlɛ la, wa ko nin muso ninnu bɛɛ ka saya tun be se ka bali.

Yala mun de la muso caman bɛ faatu u ka kɔnɔmaya walima jiginni senfɛ. Ani mun de ka kan ka kɛ k'u lakana k'o saya nunu bali. Koumba Kanouté n’a ka mɔgɔ welelenw b'o walawala an ye.

La Guinée, nin dɔgɔkun furancɛw la, cɛ dɔw ye ɲangatawalew ta ka ɲɛsin u musow ma foo ka u bɔnɛ u nin na. Conacky, jamana in faaba yɛrɛ la, cɛ dɔ ye ɲangatawale ta ka ɲɛsin a muso kɔnɔman falen ma, dalamakan dɔ kɔ, foo ka muso in bɔnɛ  a nin na. O kɔ cɛ wɛrɛ y'o waleya kelen de ta ka ɲɛsin a maminɛmuso ma bawo ko a banna a ka furu.

O waleya nunu ye mɔgɔ caman funteni La Guiné, foo ka kɛ sababu ye dɔnkildalamuso Djelikaba Bintou fana y'o waleya in kɔn. A y'a ka  ja dɔw carin facebook bɔlɔlɔ barokɛyɔrɔ kan. A ɲɛda fununen don, furuso kɔnɔ farinyawale  kɔfɛ. 

La Guinée musow ka hakɛw lafasakuluw ye wulikajɔw kɛ k'a ɲini musow ka lakana ka bɔ nin ɲangatawalew ɲɛ.  O senfɛ, mun de la furucɛw be ɲangatawale ta ka ɲɛsin u musow ma foo k'u faga. Koumba Kanouté n’a ka mɔgɔ welelen b'o ɲɛfɔ an ye.

Munna furusa kɔfɛ, a ka gɛlen muso caman ma k'u ka diyɲɛlatigɛ dilan kokura ye ? Munna furusa kɔfɛ a ka gɛlen muso caman ma ka segin sigida kɔnɔ walima u faso la. Koumba KANOUTE n'a ka mɔgɔ welelenw bɛɛ jaabili di an ma o kan. 

Gafesɛbɛn taabolo bɛ cogo di musow bolo? Sɛbɛnni in nafa ye mun ye u kan? Koumba KANOUTE n'a ka mɔgɔ weelelenw bɛ kuma o de kan bi.

Kalo 6, Côte d’ivoire marabagaw y'o de latigɛ ka kɛ forobacakɛdaw baarakɛlamusow ka jigibagatɔya sɛgɛnnafiɲɛbɔ wagati hakɛ ye. Latigɛ in kun ye ka forobabaarakɛlamusow ka lahalaya tɔ ɲa. Walasa musow ka se k'o hakɛ in nafa sɔrɔ, u ka kan ka mun ni mun de kɛ?  yala nin ko in nafa be se ka kɛ mun  ye musow kan, ani yala a te musow ka baarako bila farati la wa. Koumba Kanouté n'a ka mɔgɔ weelelen bena o de ɲɛfɔ na.