Musow ka kɛnɛ

Bi, an be kuma musow tɔgɔladon kɛrɛnkɛrɛnnen de kan n'o ye marisikalo tile 8 ye. O min be ɲɛnɛmaya diɲɛ kɔnɔ san o san. San 2025 ta baabu kɛra “musow ni npogotiginiw bɛɛ tɔgɔ la, hakɛw, damakɛɲɛni ani yɛrɛyeya sɔrɔli” n'o ye “Pour toutes les femmes: droits, égalité et autonomisation”. O hukumu kɔnɔ an y'a laɲini ka kuma o baabu kɛrɛnkɛrɛnnen dɔ kan n'o ye k'a dɔn “musow be se ka baara kɛ cakɛdaw kɔnɔ cogo di ani ka tila k'u mago don u ka denbayaw la”.

Nin waati labanw na, muso caman bɔnɛna u nin na, damandingɛw dafiriliw senfɛ. Zanviyekalo tile 29 damandingɛ dɔ dafirila, Dagan, Koulikoro mara la, ka muso tan  yirika bɔnɛ u nin na. Dɔgɔkun fila o kɔ, damandingɛ wɛrɛ dafirila, Kayes mara la, Dabiya dugu la, muso 40 ni kɔ ɲɔgɔn bɔnɛna u nin na. Mun de la musow ka ca damandingɛw kɔnɔ ani kun jumɛn de la damandingɛw be dafiri ka caya nin waati labanw na, Koumba Kanouté n'a ka mɔgɔ welelenw b'o ɲɛfɔ an ye.

Manden dugu caman kɔnɔ mpogotiginiw cama bɛna dugubaw la yasa kana sɔkɔnɔbaradenya ɲini. Tuman caman bɛnbaliya bɛ don baaratigiw nin sɔkɔnɔbarakɛdenw cɛ. Mun bɛ se ka kɛ ka dansigi o la. Tiemoko DIARRA ka laseli

Bi an bɛna kuma di musow ma, minnu bɛ seko nin donko baaraw la. Olu muso minnu b'o baara  in na, gɛlɛya caman b'u kan. Cɛnimusoya binkanni bɛ ɲɛsin dɔw ma. Dɔw yɛrɛ te lamɛn bawo  k'u ye musow ye. O kama caman b'u fara u te taa ɲɛ n'u ka baara ye. An ka mɔgɔ weelelenw ye, Yayi Keita ye jaɲɛgɛla don, mɔgɔ filanan, o tɔgɔ Bath La rose dɔnkilidala  don ka bɔ Côte d'Ivoire.

An ye weele sama Mah Famanta ma, lujuratɔ de don, Ala ma yeli nɔgɔy'a ye ale bɛ dɔnkili de da ka bɔ Mali jamana kɔnɔ. An ka dunan filanan o togɔ Fatoumata Cissé, poyikɛla  don ale fana bɛ bɔ Mali la.

Fevuruyekalo tile 11 bɛ ɲɛnɛmaya diɲɛ kɔnɔ, i ko bogotigininw ni muso dɔnnijɛbagaw tɔgɔladon kɛrɛnkɛrɛnnen ye. Diɲɛ tɔnba ka bolofara min be kalanko kunna UNESCO, o de ye nin don in bila senkan kabi san 2015. Nin jɛmukan in kɔnɔ, Koumba Kanouté, ye kuma di muso dɔnnijɛ dɔnbagaw ma, minnu bɛna u ka tariku ɲɛfɔ an ye, kun min na u ye dɔnnijɛ sugandi, ani u ye gɛlɛya minnu sɔrɔ a kɔnɔ.

Farafinna jamana caman kɔnɔ, ni dankari-walew bɛ ta ka ɲɛsin yefeke-musow ma, ka kɛɲɛ n'u fari cokoya ye, ani kɔrɔlen kuma minnu bɛ fɔ. Kun jumɛn de la, cɛ ni musoya binkanniw bɛ ta ka ɲɛsin yefeke-musow ma ? Fɛɛrɛ jumɛn de kan ka bila senkan yasa ka se ka yefeke-musow lakana ka bɔ binkanniw ma. Koumba Kanouté n'a ka mɔgɔ weelelenw b'o de walawala an ye...

kan. Ka kɛnɛ ni kalan tɔgɔladon kɛrɛnkɛrɛnnen ye n’an ko a ma ko "journée mondiale de l’éducation" o min bɛ ɲɛnɛmaya san o san zanviyekalo tile mugan ni duuru, an y’a laɲini k’aw ka jɛmukan mandi baabu sigi o kan. Sahel jamanaw kɔnɔ  lakanabaliya kaman mɔgɔ caman de borila k’u ka duw ani ka fɛn bɛɛ to u kɔ.

Yanni u k'u ka duguw bila u denw tun bɛ kalan na. Yala u ka sigiyɔrɔ kura in na, denmusow ka kalan ko bɛ lahalaya jumɛn de la. Nin lɔgɔkun in baabu la, an bɛna kuma di baɲumankɛtɔnw de ma minnu bɛ muso folenw dɛmɛ kalanko la, u yɛrɛ n’u denmusow ta. An ka bi jɛmukan in na, an ka mɔgɔ weelelenw ye Youba Ben Hamoudi ye, ka bɔ baɲumankɛtɔn HCR la. Ale de bɛ kalankow ɲɛnɛbɔ HCR baɲumankɛton la.

Bi musow ka kɛnɛ jɛmukan bɛ muso folenw de kan minnu y'u sigiyɔrɔw bila. Ka kɛɲɛ n'u ka lahalayaw ye, a ka gɛlɛ u bolo ka baara jɔlen sɔrɔ u sigiyɔrɔ kuraw la. Sabu la u be gelɛya caman sɔrɔ kankow la, sɛbɛn kura sɔrɔliw, sigiɲɔgɔn kuraw ni jɛɲɔgɔnya kuraw sɔrɔli ani hakilisigibaliya u diyagoyalen kɔ ka bɔ u sigiyɔrɔw la. O la jamana marabagaw ni baɲumakɛtɔn caman bɛ dɛmɛ don o muso fɔlen nunu ma ka fɛɛrɛw bila senkan min b'a to u ka baarasɔrɔ be se ka nɔgɔya cogo min na.

Koumba Kanouté n'a ka mɔgɔ weelelen bɛ  kuma o fɛɛrɛw de kan ka baara sɔrɔ nɔgɔya muso folenw ye u sigiyɔrɔ kuraw la.

La Guinée, jamana na, cɛnimusoya binkanniw hakɛ warala foo ka damatɛmɛ. A wale in kɛlen don ka muso caman jɔrɔ ani musow ka hakɛw lafasajɛkulu dɔw. San 2024 kalo laban na, La Guinée, "club des jeunes filles" ye jateminɛsɛbɛn dɔ bɔ, o min kɔnɔ, u b'a jira, ko k'a ta zanviyekalo san 2024 ka taa a bila a desanburukalo la, ko cɛnimusoya binkanni hakɛ 221 de jatera. Wa ko n'i y'o hakɛ in tila, ko 30 kɛra N’zerekore, 15 kɛra Kankan, 12 kɛra Labbé, 30 kɛra Kindia, 97 kɛra conacky dugu yɛrɛ kɔnɔ.

Bin kɛra npotiginiw minnu kan, k’u si b'a ta san 4 ka taa a bila san 21. Mun de la cɛnimusouya binkanniw hakɛ cayalen don npogotiginiw kan, ani fɛɛrɛ jumɛw de kan ka bila senkan ka cɛnimusoya binkanniw ɲɛkɔrɔtigɛ. Koumba Kanouté n'a ka mɔgɔ welelenw b'o walawala aw ye.