A Chiavenna ha dals 8 enfin ils 10 da zercladur gì lieu la festa da chant chantunala dal Grischun. 116 chors èn sa preschentads en l'Italia. En l'emissiun da Noss Chors pudais vus tadlar ina selecziun da las producziuns da pag. Var 3400 chantaduras e chantadurs han preschentà lur tocs da pag en quatter baselgias. Quatter emissiuns spezialas da Noss Chors èn perquai deditgadas a la festa da cant – mintgamai ina emissiun per local. En la segunda part preschentain nus insaquantas producziuns ord la «Chiesa San Fedele».

Ils 8 enfin ils 10 da zercladur ha la festa da chant chantunala dal Grischun gì lieu a Chiavenna. 116 chors èn sa preschentads en l'Italia. En l'emissiun da Noss Chors pudais vus tadlar ina selecziun da las producziuns da pag. Var 3400 chantaduras e chantadurs han preschentà lur tocs da pag en quatter baselgias durant la festa da chant chantunala dal Grischun a Chiavenna. Quatter emissiuns spezialas Noss Chors èn perquai deditgadas a mintgamai in dals locals. En l'emprima part preschentain nus ina selecziun da las producziuns en la «Chiesa San Lorenzo».

Redacziun: Dominic Pohle

Quest'emna èsi finalmain uschè lunsch ed ils chors grischuns pon chantar mordio a la festa chantunala da chant a Chiavenna – RTR sa prepara cun vus. En la nova emissiun «La Canorta» è il chantadur passiunà Guido Derungs voss ospitant. Cun var 50 onns experientscha sco chantadur en dus differents chors sa el da tge ch'el discurra ed è pront per sa preparar ensemen cun vus sin la gronda festa «Rezia Cantat» dals 8 fin ils 10 da zercladur a Chiavenna.

Oz na chantan «Noss Chors» betg chanzuns rumantschas, mabain chanzuns en liungas estras. Il pli savens chantan «Noss Chors» chanzuns rumantschas u tudestgas ord la regiun. Oz giain nus en pajais pli lontans. En l'Israel giain nus cun il Chor da giuventetgna N.U.S, en la Russia cun Ils Cantins ed il Chor viril Lumnezia e da tschella vart dal mund en la Nova Zelanda giain nus cun il Chor d'uffants e giuvenils Surmeir. Cun il Cantus Firmus Surselva faschainsa lura in viadi fin en la fradaglia da la Norvegia. Natiralmain chantan «Noss Chors» era chanzuns en las trais linguas naziunalas sper il rumantsch.

Redacziun: Laura Giger

En bun duas emnas chantan chors grischuns mordio a la festa chantunala da chant a Chiavenna – RTR sa prepara cun vus. En la nova emissiun «La Canorta» è il chantadur passiunà Guido Derungs voss ospitant. Cun var 50 onns experientscha sco chantadur en dus differents chors sa el da tge ch'el discurra ed è pront per sa preparar ensemen cun vus sin la gronda festa «Rezia Cantat» dals 8 fin ils 10 da zercladur a Chiavenna.

Ulteriuras emissiun ils 05-06.

Dals 9 fin ils 13 da matg 2018 ha l'11avel Festival europeic da chors da giuvenils gì lieu a Basilea e conturns. 10 chors d'uffants e da giuvenils da l'Europa e set chors svizzers han dà 40 concerts a Basiilea e conturn. RTR ha registrà tschintg concerts. L'emissiun «Noss chors» porta impressiuns dal concert d'avertura dal festival 2018 en la baselgia da s. Martin a Basilea. Nus udin insatgs da sis chors: Jugendchor Vivo Musikschule Basel; Knaben- und Männerchor Swerdlowsk Russia; Mädchenchor Aarhus Pigekor Danemarc; Vokalensemble incantanti Grischun, Kinderchor Vox Aurea Finlanda e Choeur d'Enfants Sotto Voce Frantscha.

En bun in mais chantan chors grischuns mordio a la festa chantunala da chant a Chiavenna – RTR sa prepara cun vus. En la nova emissiun «La Canorta» è il chantadur passiunà Guido Derungs voss ospitant. Cun var 50 onns experientscha sco chantadur en dus differents chors sa el da tge ch'el discurra ed è pront per sa preparar ensemen cun vus sin la gronda festa «Rezia Cantat» dals 8 fin ils 10 da zercladur a Chiavenna.

Ulteriuras emissiuns: ils 22-05 ed ils 05-06.

Far tant sco pussaivel en uschè curt temp sco pussaivel ed il meglier gist pliras chaussas il medem mument. Accelerar sa numna quai fenomen da noss temp – ralentar è il med encunter. Ralentar, u per tudestg «entschleunigen» è in'idea ch'è sa furmada pir ils davos onns. Durant in temp che tut sto ir pli e pli svelt duaja ralentar calmar e cumbatter il stress. Perquai chantan «Noss chors» en quest'emissiun chanzuns ruassaivlas e contemplativas.

En bun dus mais chantan chors grischuns mordio a la festa chantunala da chant a Chiavenna – RTR sa prepara cun vus. En la nova emissiun «La Canorta» è il chantadur passiunà Guido Derungs voss ospitant. Cun var 50 onns experientscha sco chantadur en dus differents chors sa el da tge ch'el discurra ed è pront per sa preparar ensemen cun vus sin la gronda festa «Rezia Cantat» dals 8 fin ils 10 da zercladur a Chiavenna.

L'emprima giada avra la «Canorta» sias portas ils 24-04-2018 a las 19:00 al Radio Rumantsch. Ulteriuras emissiuns: 08-05, 22-05 ed ils 05-06.

Il tschiel stailì è ina vista extraordinaria. Sch'ins vesa co nundumbraivlas stailas traglischan giu da tschiel è quai zunt impressiunant. Uschia chi na fa betg surstar chi dat bain inquala chanzun per «Noss Chors». L'inspiraziun per chanzuns dat savens ils sentiments u chaussas ord la natira ed il conturn dals cumponists e poets. Uschia er il firmament stailì che vegn dechantà durant quest'emissiun: «Ad ina steila» chantà dal chor maschadà Surrein, «Sut steilas» chantà dal chor viril Ligia Grischa u «Tschiel nocturn» chantà dal chor viril Lumnezia.

Redacziun: Dominic Pohle