Dit is nie noodwendig die grensdrade wat laat sak is tussen Suid-Afrika en Mosambiek om die Limpopo-oorgrenspark te vorm, wat die skuld moet dra vir renosterstropery nie. Die is die mening van prof. Willem van Riet wat betrokke was by die beplanning en daarstelling van die oorgrenspark. Hy sê daar is 'n gebrek aan beheer en bestuur omdat die betrokke lande nie destyds belang gestel het om gesprekke te voer oor reëls en regulasies nie. Van Riet sê hy kry die mense van Sanparke jammer wat nie die geld of mannekrag het om die probleem te bestuur nie.