Eftir fleiri ára royndir eydnaðist tað Jim Steinman og Meat Loaf at sannføra eitt plátufelag um dygdina í tilfarinum og harvið geva tað út. Tað bleiv ein heimssucces og framvegis spæla útvørpini løg sum 'Two Out of Three Ain't Bad', 'Bat Out of Hell', og 'You Took the Words Right Out of My Mouth.

'New Jersey' var fjórða útgávan eftir Bon Jovi og uppfylgjarin til stórsøluplátuna, 'Slippery When Wet', frá 1986. Tað eydnaðist teimum hampiliga væl ikki at endurtaka seg sjálvar, hvat eisini var eitt av málunum. Albumið fær góð skotsmál frá ummælarum.

Frammanundan hevði Aria havt løg á tveimum savnsfløgum, 'Rópið á Skuggarnar' og 'Rock í Føroyum 2'. Tað, saman við luttøku í Prix Føroyar kappingini, hevði longu givið bólkinum eitt navn. 'Rock í Føroyum' lagið, Shadow of a Doubt, hevði verið fremst á føroyska útvarpshittlistanum.

Sjónleikurin, Eddie Murphy, varð heimskendur sum óreglugli løgreglumaðurin í Beverly Hills Cop. Eyðkennislagið frá filminum, Axel F., hjá týskaranum, Harold Faltermeyer, er tað, sum eftirtíðin best hevur goymt. Framvegis verður lagið endurinnspælt og hevur síðan fýrsini aftur verið at sæð fremst á fleiri hittlistum. Tó var Axel F. ikki størsta Beverly Hills Cop hittið í samtíðini, men næstan.

Rudolf Joensen dugdi ikki at lesa, tá hann varnaðist Elvis Presley. Men tað vóru beatlarnir, sum veruliga vakti áhugan fyri heimspoppinum. Í sendingini verður eisini sagt frá bólkum sum Cream, Beach Boys, og Rolling Stones. Harumframt hoyra vit um Jógvan Brim, og Ólav Presley, sum leiddu gestin á leið í hesum nýggja heimi, har Top 20 hjá Radio Luxembourg og BBC Radio 1 høvdu týdning. Sending leygarkvøldið 3. apríl 2021 kl. 19.00, sum Jákup Magnussen skipaði fyri.

Sharon Osbourne stýrdi virkseminum fyri Litu Ford. Mike Chapman varð boðsendur at framleiða og tað gjørdi hann við hepnari hond. Talan er um triðja albumið hjá solistinum, Lita Ford, men tey bæði undanfarnu høvdu ikki havt nøktandi undirtøku. Stílurin varð gjørdu mjúkari og meira áttatiára MTV; stórt og bleikt hár og leðurklæði. Og tað riggaði. Framvegis er útgávan, Lita, hennara mest keypta. Lagið Close My Eyes Forever er ein duett við Litu Ford og Ozzy Osbourne.

Kendasta temalagið, 'Turn Me Loose', var eisini fyrsta staklagið frá aktuellu Temaplátuni, Loverboy, frá 1980. Í ferbruar 1981 var lagið til taks á singleplátu, men á amerikanska Hot 100 rakk tað ikki longur enn til Top 40. Øðrvísi var í Føroyum, her lagið varð tráspælt á diskotekunum. Í heimlandinum, Kanada, var hagtalsliga úrsltitið fyri hesa a-síðuna eitt 9.pláss á popplistanum fyri stakløg. Næststørsta hittið á Temaplátuni er 'The Kid Is Hot Tonight'.

Amerikanarin, Donald Fagen, gjørdi hesa plátu sum eina ævisøgu við støði í fimti- og sekstiárunum, har hann vaks upp í spentu kaldakrígstíðini. The Nightfly hevur eitt slag av serstøðu millum aðrar áttatiáraútgávur, tí hon er gátufør, eins og upphavsmaðurin sjálvur er gátuførur. Og millum tónleikarar og ídnar lurtarar hevur hon eins nógv serstøðu fyri dygdina.

Hetta er ein nýgerð av Temaplátu, sum fyrstu ferð varð send í 2015. Tað nýggja er, at sangskrivarin, Jørgin Dahl, ger viðmerikingar og at tvey av studio-løgunum eru býtt um við konsertinnspælingar á Vágsbøi í 2015, tá Straight Ahead var endurmannað í eitt kvøld. Tað var aðru ferð tað hendi, fyrru ferð var í samband við aðra konsert í Klaksvík í 1989. Plátubarrin 6. mars 2021.

Talan er um fyrsta danska albumið, sum rakk til fyrstaplássið í Svøríki. Samlaða sølan er omanfyri 600.000 eintøk. Plátufelagið, Virgin Records, ætlaði at gera Sannu Salomonsen til eitt altjóða navn, men tann royndin miseydnaðist av fleiri grundum, eitt nú treivst Sanna illa í studio- og framleiðsluumhvørvinum í London.

Umframt trý rokk-kend løg, er útgávan 'Sanne' synth-poppur, tó slagverk, elektriskir gittarar og bassgittari eisini verða nýtt sum ljóðføri. Plátubarrin 27. februar 2021.