នៅថ្ងៃទី៣០ ខែមេសាស្អែកនេះ គឺជាខួប២២ឆ្នាំ ដែលកម្ពុជាចូលជាសមាជិកប្រជាជាតិអាស៊ីភាគអាគ្នេយ៍ ឬអាស៊ាន។ ចាប់តាំងពីក្លាយជាសមាជិកពេញសិទ្ធិរបស់អាស៊ាននៅថ្ងៃទី ៣០ ខែមេសា ឆ្នាំ១៩៩៩មក កម្ពុជាបានធ្វើការយ៉ាងជិតស្និទ្ធជាមួយសមាជិកដទៃទៀត នៅក្នុងការកសាងសហគមន៍មួយ ដែលមានការផ្សារភ្ជាប់គ្នារវាងប្រជាជន ការអភិវឌ្ឍនយោបាយ សង្គម សេដ្ឋកិច្ច សមាហរណកម្មតំបន់ និងកិច្ចសហប្រតិបត្តិការអន្តរជាតិ។ លោកបណ្ឌិត ឈាង វណ្ណារិទ្ធ ប្រធានវិទ្យាស្ថានចក្ខុវិស័យអាស៊ី បានលើកឡើងថាកម្ពុជាទទួលបានអត្ថប្រយោជន៍ជាច្រើនបន្ទាប់ពីបានក្លាយជាសមាជិកអាស៊ានអស់រយៈពេលជាង២០ឆ្នាំកន្លងទៅនេះ។ លោកថាកម្ពុជាបានពង្រឹងសមត្ថភាពធនធានមនុស្សបានល្អធៀបទៅនឹងជាង២០ឆ្នាំមុន ។ទោះយ៉ាងណាកម្ពុជាត្រូវតែមានការជម្រុញបន្ថែមសមត្ថភាពធនធានមនុស្សដើម្បីរត់ឲ្យទាន់សមាជិកឯទៀត៕