នៅ​ថ្ងៃ២៣​តុលា​ឆ្នាំ២០២២​នេះ​គឺ​ជា​ខួប​៣១​ឆ្នាំ​នៃ​កិច្ច​ព្រម​ព្រៀង​សន្តិភាព​ក្រុង​ប៉ារីស​ឆ្នាំ១៩៩១។​ ពលរដ្ឋ​ខ្មែរ​នៅ​ក្រៅ​ប្រទេស​ត្រៀម​ធ្វើ​ការ​រំឭក​ខួប​នៃ​កិច្ច​ព្រមព្រៀង​នេះ​ដូច​រាល់​ឆ្នាំ​ដែរ​ ខណៈ​រដ្ឋាភិបាល​កម្ពុជា​បច្ចុប្បន្ន​ បាន​លុប​ចោល​ថ្ងៃ​ឈប់​សម្រាក​២៣​តុលា​ចេញ​ពី​ប្រតិទិន​បុណ្យ​ជាតិ​ទៅ​ហើយ​។​ សម្រាប់ ​បណ្ឌិត​ ប៉ា ច័ន្ទរឿន ​ប្រធាន​វិទ្យាស្ថាន​ប្រជាធិបតេយ្យ​កម្ពុជា ​ចាត់​ទុក​ថា​ កិច្ច​ព្រម​ព្រៀង​ក្រុង​ប៉ារីស​នៅ​តែ​មាន​សារៈ​សំខាន់​ប្រៀប​ដូច​ជា​អាវ​ក្រោះ​ការ​ពារ​កម្ពុជា​ពី​យា​យី​ពី​មហា​អំ​ណាច ​និង​ការ​ឈ្លាន​ពាន​ពី​ប្រទេស​ជិត​ខាង​។