ថ្ងៃ​ទី​១៦សីហា​នេះ​គឺ​ជា​ថ្ងៃ​ដំបូង​​ដែល​តុលាការ​កំពូល​នៃ​សាលាក្ដីខ្មែរ​ក្រហម បើក​សវនាការ​លើ​បណ្ដឹង​សាទុក្ខ​ក្នុង​សំណុំ​រឿង០០២ វគ្គ​២​។ សម្រាប់​ជន​រង​គ្រោះ​ផ្ទាល់​​ដោយ​របប​ខ្មែរ​ក្រហម សវនាការ​នេះ​មាន​សារៈសំខាន់​ណាស់​នៅ​ក្នុង​ដំណើរការ​ស្វែង​រក​យុត្តិធម៌​ជូន​ពួក​គេ​។ ប៉ុន្តែ​ជា​ការ​កត់​សម្គាល់ រឿង​ក្ដី​នេះ និង​ប្រវត្តិសាស្ត្រ​ខ្មែរ​ក្រហម​ទាំង​មូល ​ហាក់​លែង​​សូវ​ទទួល​បាន​ការ​ចាប់​អារម្មណ៍​ពី​សំណាក់​សាធារណជន ជា​ពិសេស​យុវជន​ដូច​មុន​ឡើយ​។ តើ​ប្រវត្តិសាស្ត្រ​​ខ្មែរ​ក្រហម ​សាប​រលាប​ពី​ចំណាប់​អារម្មណ៍​របស់​យុវជនជំនាន់​ក្រោយហើយ​ឬ​?