នៅយប់ថ្ងៃទី២៨ ខែមករា ឆ្នាំ២០២៥ អ្នកនាំពាក្យក្រសួងធម្មការ និងសាសនា បានប្រកាសថា ក្រោយពីមានការផ្សព្វផ្សាយវិដេអូរបស់មេដឹកនាំសមាគមទេវ សក្ខី ភគវន្ត នាពេលកន្លងមក ក្រសួងធម្មការ និងសាសនា និងគណៈសង្ឃនាយកទាំងពីរគណៈ បានរៀបចំកិច្ចប្រជុំបន្ទាន់មួយ នៅរសៀលថ្ងៃអង្គារ ទី២៨ ខែមករា ឆ្នាំ២០២៥ ដើម្បីធ្វើការពិភាក្សាលើខ្លឹមសារវិដេអូរបស់មេដឹកនាំសមាគមទេវ សក្ខី ភគវន្ត ដែលបានផ្សព្វផ្សាយតាមបណ្តាញសង្គមនានា កាលពីពេលកន្លងមក។ សេចក្តីប្រកាស បន្តថា ជាលទ្ធផល អង្គប្រជុំបានសម្រេចជូនក្រសួងធម្មការ និងសាសនា និងស្ថាប័នពាក់ព័ន្ធ បន្តពិភាក្សា និងចាត់វិធានការតាមនីតិវិធីច្បាប់។