ប៉ូលិស​FBI បានចាប់ខ្លួន​យុវជនម្នាក់ ដែលជាប់សង្ស័យ​ក្នុងរឿង​បែកលេចធ្លាយ​ឯកសារ​សម្ងាត់​របស់មន្ទីរបញ្ចកោន ទៅលើ​បណ្តាញសង្គម។ នៅក្នុង​សន្និសីទកាសែត​កាលពីថ្ងៃ​ព្រហស្បតិ៍ រដ្ឋមន្រ្តីយុត្តិធម៌ អាមេរិក លោក Merrick Garland បាន​ប្រកាសថា គេ​បាន​ចាប់ខ្លួន យុវជន​Jack Teixeira ជែក តេស្ហៀរ៉ា អាយុ​២១ឆ្នាំ ក្នុងរឿង​ជាប់សង្ស័យ​បញ្ចេញ​ឯកសារសម្ងាត់​ជាតិ ដោយគ្មានការអនុញ្ញាត។ តើ​យុវជនអាមេរិក​វ័យ​២១ឆ្នាំ​អាចចូលយក​ឯកសារសម្ងាត់អាមេរិក មកបង្ហោះផ្សាយ ចែកចាយ​នៅលើ​បណ្តាញសង្គម​បានយ៉ាងដូចម្តេច?