នៅថ្ងៃទី២៤ ខែមេសា ឆ្នាំ​២០២៥ ទីស្តីការគណៈរដ្ឋមន្ត្រី បានប្រកាសពីគោលការណ៍ដែលរដ្ឋាភិបាលកម្ពុជាត្រៀមចាត់វិធានការបញ្ឈប់ការផ្តល់រង្វាន់តាមរយៈគម្របដបនិងក្រវិលកំប៉ុងក្នុងឧស្សាហកម្មភេសជ្ជៈនិងគ្រឿងស្រវឹង។ អ្នកឃ្លាំមើលបញ្ហាសង្គមថា នេះជាជំហានដ៏ល្អសម្រាប់កម្ពុជាឆ្ពោះទៅរកការកាត់បន្ថយការសេពគ្រឿងស្រវឹង ជាពិសេសក្នុងស្រទាប់យុវវ័យ។ យ៉ាងណាក្តី អ្នក​តាម​ដាន​សង្គម យល់ថា មានតែការបញ្ឈប់ការផ្សាយពាណិជ្ជកម្មនៅទីសាធារណៈទាំងស្រុង គឺជាមធ្យោបាយដ៏មានប្រសិទ្ធិភាពឆ្ពោះទៅការកាត់បន្ថយការសេពគ្រឿងស្រវឹង។