អ្នកសារព័ត៌មានមួយរូបក្នុងខេត្តសៀមរាប បានបាត់បង់ជីវិតនៅយប់ថ្ងៃទី០៧ធ្នូ ក្រោយរងការបាញ់ប្រហារជាច្រើនគ្រាប់។ លោក ឈឿង ឈឹង បានបាត់បង់ជីវិតក្រោយពេលដែលលោកបានព្យាយាមធ្វើសេចក្តីរាយការណ៍អំពីករណីទន្រ្ទានព្រៃឈើក្នុងខេត្តសៀមរាប។ អ្នកជំនាញបានកត់សម្គាល់ថា អាជីពជាអ្នកសារព័ត៌មានកាន់តែប្រឈមគ្រោះថ្នាក់ខ្ពស់ នៅពេលពួកគេហ៊ានធ្វើសេចក្តីរាយការណ៍ពីប្រធានបទរសើបៗ។ បើតាមអ្នកជំនាញ ក្រសួងពាក់ព័ន្ធគួរមានវិធានការគាំពារសុវត្ថិភាពអ្នកសារព័ត៌មាន ពេលពួកគេរាយការណ៍ពីរឿងចម្រូងចម្រាស់។