រដ្ឋាភិបាលកម្ពុជា តាមរយៈក្រសួងពាក់ព័ន្ធចំនួន៣ បានដាក់ចេញគោលការណ៍ «ឆន្ទៈល្អ» ដើម្បីគ្រប់គ្រងការផ្សព្វផ្សាយគ្រឿងស្រវឹងឲ្យមានសណ្តាប់ធ្នាប់។ សម្រាប់អ្នកជំនាញ នេះជាសញ្ញាវិជ្ជមានមួយដើម្បីកាត់បន្ថយការប្រើប្រាស់គ្រឿងស្រវឹងរបស់ប្រជាពលរដ្ឋខ្មែរ។ ទន្ទឹមគ្នានេះ អ្នកជំនាញក្នុងវិស័យសុខាភិបាលក៏កំពុងទាញសញ្ញាណអាសន្នពីការសេពគ្រឿងស្រវឹងដែលកំពុងកើនឡើង។ នៅក្នុងន័យនេះ ក្រុមអ្នកជំនាញបានលើកជាយោបល់ថា រដ្ឋត្រូវមានឆន្ទៈខ្ពស់ដោយហ៊ានប្រើកណ្តាប់ដៃដែកលើឈ្មួញរកស៊ីផ្គត់ផ្គង់គ្រឿងស្រវឹង ប្រសិនបើចង់ទប់ស្កាត់កំណើននៃការសេពគ្រឿងស្រវឹង។