នៅ​មិន​ដល់​មួយ​ឆ្នាំ​ទៀត​ទេ ការ​បោះ​ឆ្នោត​ឃុំ​សង្កាត់​ឆ្នាំ​២០២២​ នឹង​ឈាន​​ចូល​មក​ដល់​​។ នេះ​គឺ​ជា​មូលហេតុ​ដែល​អ្នក​នយោបាយ​មួយ​ចំនួន​ចាប់​ផ្ដើម​គិត​គូរ​បង្កើត​គណបក្ស និង​ខ្លះ​ទៀត​​ចង​សម្ព័ន្ធ​ភាព​រួម​គ្នា ដើម្បី​ផ្ដុំ​កម្លាំង​ឈាន​ទៅ​កាន់​ការ​បោះ​ឆ្នោត​នា​ពេល​ខាង​មុខ​។ ដោយ​មិន​និយាយ​ពី​ល្បិច​កល​និង​ល្បែង​នយោបាយ​នានា គោល​ដៅ​មួយ​នៃ​ការ​បង្កើត​គណបក្ស​របស់​អ្នក​នយោបាយ គឺ​ការ​ទទួល​បាន​អំណាច​​តាម​រយៈ​សន្លឹក​ឆ្នោត​របស់​ពលរដ្ឋ​។ តើ​អំណាច​មាន​គុណ​សម្បត្តិ​និង​គុណ​វិបត្តិ​អ្វី​ខ្លះ​?