ថ្ងៃទី៨ ខែមីនា ឆ្នាំ២០២៤នេះ ជាទិវាសិទ្ធិនារីអន្តរជាតិ៨ មីនា។ ក្នុងឱកាសនេះ វិទ្យុបារាំងអន្តរជាតិ សូមបង្ហាញបទពិសោធន៍ជីវិតរបស់អ្នកស្រី វុន សម្ផស្ស អគ្គលេខារងសមាគម (IDEA)។ អ្នកស្រីជាស្រ្តីម្នាក់ធ្លាប់ជម្នះគ្រួសារដែលបង្ខំឲ្យរៀបការក្នុងគ្រាដែលកំពុងនៅសិក្សានៅឡើយ។ ក្រោយចប់បាក់ឌុប ស្រ្តីរូបនេះបានសម្រេចចិត្តមកបន្តការសិក្សានៅភ្នំពេញ។ នៅភ្នំពេញ អ្នកស្រី វុន សម្ផស្ស បានឆ្លៀតធ្វើការងារជាសន្តិសុខ ជាអ្នកអនាម័យតាមផ្ទះ និងជាអ្នកមើលកូនឲ្យគេ ដើម្បីបានលុយសម្រាប់បង់ថ្លៃការសិក្សា៕