Bhí imreoir Cheatharlach Darragh O Brien ag caint le Cárthach faoi na cluichí ceannais sraithe atá á imirt ag an deireadh seachtaine.

Plé ar an vóta mímhuiníne sa rialtas sa Dáil inné, iarracht Netenyahu smacht a chur ar na cúirteanna in Iosrael agus an léirsiú faoi staid na gaeilge sa chóras oideachais, a bhí lasmuigh den Dáil inné. Dáta craolta: 300323

Ar an gclár seo, labhair Judy-Meg Ní Chinnéide linn faoi ghearrliostú a sraith drámaí do pháistí 'A New Home' do dhuais raidió Gradaim Féilte Nua Eabhrac le gairid. Chomh maith leis sin bhí Greagóir Ó Dáire linn ó Uppsala na Sualainne le labhairt linn faoi Fhéile Pádraig agus an phop-up Gaeltacht a bhí acu sall.

Tá rabhadh tugtha ag Europol agus ollscoileanna faoi chontúirtí ChatGPT, ach is féidir leis cabhrú linn an Ghaeilge a fhoghlaim, a deir Diarmaid Mac Mathúna ó cruinneog.com

Labhair Neasa Ní Fheinneadha linn faoin ngrúpa nua do Thuistí agus Leanaí i gceantar Leamhcán in iarthar na cathrach. Beidh an grúpa ag eagrú imeachtaí do theaghlaigh trí mhean na gaeilge.

Labhair Antoine Ó Coileáin, iarPhríomhfheidhmeannach le Gael Linn, faoi Bhrian Mac Aongusa, a fuair bás le déanaí. Chaith Brian tréimhse mar phríomhfheidhmeannach ar Ghael Linn chomh maith. Bhí baint mhór aige le cúrsaí raidió. Bhi sé mar cheannaire ar Raidió na Gaeltachta agus ar bhord Raidió na Life sna blianta tosaigh. Ba staraí áitiúil é chomh maith i ndeisceart Bhaile Átha Cliath agus suim ar leith aige i stair an iarnróid in Éirinn. Beannacht Dé leis. Dáta craolta: 28032023

Agallamh leis an údar Conor Curran faoina leabhar, 'Soccer and Society in Dublin'.

Rás na Ghradaim MVP agus Clutch á phlé ag James an tseachtain seo agus é ag caitheamh súil ar an NBA agus gan ach 10 cluiche fágtha sa tsraith!

Seoladh Béal Na Péiste in An Ceathrú Póilí, Béal Feirste, ar an Satharn, 1 Aibreán.

Sraith dírithe ar mhná éachtacha i réimsí éagsúla atá anseo, le téama ar leith ag baint le gach eagrán. I ngach clár, insítear scéal spleodrach faoi bhean Éireannach sa stair a rinne éacht agus tá agallamh pearsanta le bean atá bainteach leis an réimse céanna sa lá atá inniu ann.

San eagrán seo, tá Jane Farley i mbun cainte leis an imdhíoneolaí, Caitlín Ní Chasaide, mar gheall ar Dorothy Stopford Price (Lia a d’fhorbair vaicsín eitinn 1890 – 1954).

Judy-Meg Ní Chinnéide a bhí mar léiritheoir agus eagarthóir fuaime ar an tsraith. Fearghal Saxe a bhí mar theicneoir fuaime. An t-aisteoir Hilary Bowen-Walsh a léigh na scéalta stairiúla. Is le tacaíocht ó scéim Fuaim agus Fís Údarás Craolacháin na hÉireann a rinneadh an clár seo, leis an táille ceadúnais teilifíse.