Bhairav Mool Stotra भैरव मूल स्तोत्र •

ॐ भैरवो भूत-नाथश्च, भूतात्मा भूत-भावनः।

क्षेत्रज्ञः क्षेत्र-पालश्च, क्षेत्रदः क्षत्रियो विराट् ॥

श्मशान-वासी मांसाशी, खर्पराशी स्मरान्त-कृत्।

रक्तपः पानपः सिद्धः, सिद्धिदः सिद्धि-सेवितः॥

कंकालः कालः-शमनः, कला-काष्ठा-तनुः कविः।

त्रि-नेत्रो बहु-नेत्रश्च, तथा पिंगल-लोचनः॥

शूल-पाणिः खड्ग-पाणिः, कंकाली धूम्र-लोचनः।

अभीरुर्भैरवी-नाथो, भूतपो योगिनी – पतिः॥

धनदोऽधन-हारी च, धन-वान् प्रतिभागवान्।

नागहारो नागकेशो, व्योमकेशः कपाल-भृत्॥

कालः कपालमाली च, कमनीयः कलानिधिः।

त्रि-नेत्रो ज्वलन्नेत्रस्त्रि-शिखी च त्रि-लोक-भृत्॥

त्रिवृत्त-तनयो डिम्भः शान्तः शान्त-जन-प्रिय।

बटुको बटु-वेषश्च, खट्वांग -वर – धारकः॥

भूताध्यक्षः पशुपतिर्भिक्षुकः परिचारकः।

धूर्तो दिगम्बरः शौरिर्हरिणः पाण्डु – लोचनः॥

प्रशान्तः शान्तिदः शुद्धः शंकर-प्रिय-बान्धवः।

अष्ट -मूर्तिर्निधीशश्च, ज्ञान- चक्षुस्तपो-मयः॥

अष्टाधारः षडाधारः, सर्प-युक्तः शिखी-सखः।

भूधरो भूधराधीशो, भूपतिर्भूधरात्मजः॥

कपाल-धारी मुण्डी च , नाग- यज्ञोपवीत-वान्।

Lजृम्भणो मोहनः स्तम्भी, मारणः क्षोभणस्तथा॥

शुद्द – नीलाञ्जन – प्रख्य – देहः मुण्ड -विभूषणः।

बलि-भुग्बलि-भुङ्- नाथो, बालोबाल – पराक्रम॥

सर्वापत् – तारणो दुर्गो, दुष्ट- भूत- निषेवितः।

कामीकला-निधिःकान्तः, कामिनी वश-कृद्वशी॥

जगद्-रक्षा-करोऽनन्तो, माया – मन्त्रौषधी -मयः।

सर्व-सिद्धि-प्रदो वैद्यः, प्रभ – विष्णुरितीव हि॥

• ॥ फल-श्रुति ॥ •

अष्टोत्तर-शतं नाम्नां, भैरवस्य महात्मनः।

मया ते कथितं देवि, रहस्य सर्व-कामदम्॥

य इदं पठते स्तोत्रं, नामाष्ट – शतमुत्तमम्।

न तस्य दुरितं किञ्चिन्न च भूत-भयं तथा॥

न शत्रुभ्यो भयंकिञ्चित्, प्राप्नुयान्मानवः क्वचिद्।

पातकेभ्यो भयं नैव, पठेत् स्तोत्रमतः सुधीः॥

मारी-भये राज-भये, तथा चौ राग्निजे भये।

औत्पातिके भये चैव, तथा दुःस्वप्नज भये॥

बन्धने च महाघोरे, पठेत् स्तोत्रमनन्य-धीः।

सर्वं प्रशममायाति, भयं भैरव – कीर्तनात्॥

• ॥ क्षमा-प्रार्थना ॥ •

आवाहन न जानामि, न जानामि विसर्जनम्।

पूजा-कर्म न जानामि, क्षमस्व परमेश्वर॥

मन्त्र-हीनं क्रिया-हीनं, भक्ति-हीनं सुरेश्वर।

मया यत्-पूजितं देव परिपूर्णं तदस्तु मे॥ •

Manonukul Patni Prapti Mantra मनोनुकूल पत्नी प्राप्ति मंत्र •

यदि किसी के विवाह में देरी हो रही है तो उसे रोज इस मंत्र का जाप सुबह करना चाहिए। मंत्र जाप से पहले स्नान करके स्वच्छ कपड़े पहनना चाहिए और इसके बाद जाप करना चाहिए। •

पत्नीं मनोरमां देहि मनोवृत्तानुसारिणीम् । तारिणीं दुर्गसंसारसागरस्य कुलोद्भवाम्।। •

इस मंत्र का जाप प्रतिदिन 11 बार करना चाहिए। यह मंत्र सिर्फ पुरुषों को करना चाहिए। इस मंत्र के निरंतर जाप से मनोनुकूल कन्या के साथ विवाह शीघ्र ही हो जाता है।

Swaha Stotram स्वाहा स्तोत्रम् ◆

स्वाहा देवी के यह सोलह नाम बहुत चमत्कारिक हैं जिनके स्मरण से सव कुछ समर्थ हो जाता है। संतान प्राप्ति के लिए यह रामबाण है इसका पाठ किसी भी दिन किया जा सकता है। अग्निनारायण की दो पत्निया है स्वाहा और स्वधा देवी |•

स्वाहां मन्त्राङ्गभूतां च मन्त्रसिद्धिस्वरूपिणीम् ।

सिद्धां च सिद्धिदां नृणां कर्मणां फलदां भजे ।।

स्वाहा ऽऽद्या प्रकृतेरंशा मन्त्रतन्त्राङ्गरूपिणी।

मन्त्राणां फलदात्री च धात्री च जगतां सती ।।

सिद्धिस्वरूपा सिद्धा च सिद्धिदा सर्वदा नृणाम् ।

हुताशदाहिकाशक्तिस्तत्प्राणाधिकरूपिणी ।।

संसारसाररूपा च घोरसंसारतारिणी ।

देवजीवनरूपा च देवपोषणकारिणी ।।

षोडशैतानि नामानि यः पठेद्भक्तिसंयुतः ।

सर्वसिद्धिर्भवेत्तस्य चेह लोके परत्र च ।।

नाङ्गहीनो भवेत्तस्य सर्वकर्मसु शोभनम् ।

अपुत्रो लभते पुत्रमभार्य्यो लभते प्रियाम् ।।

★

Abhishek Jal Shuddhi Mantra अभिषेक जल शुद्धि मन्त्र

■ ॐ ह्रां ह्रीं हूं ह्रौं ह्रः नमोऽर्हते भगवते श्रीमते पद्म महापद्म तिगिंछ केसरि महापुण्डरीक पुण्डरीक गंगा सिन्धुरोहिद्रोहितास्या हरिद्धरिकान्ता सीता सीतोदा नारी नरकान्त सुवर्णकूला रूप्यकूला रक्ता रक्तोदा क्षीराम्भोनिधि शुद्ध जलं सुवर्ण घटं प्रक्षालितपरिपूरितं नवरत्न गंधाक्षत पुष्पार्चित ममोदकं पवित्रं कुरु कुरु झं झं झौं झौं वं वं मं मं हं हं क्षं क्षं लं लं पं पं द्रां द्रां द्रीं द्रीं हं सः स्वाहा । ■

Pitru Stotra पितृ स्तोत्र •

अर्चितानाममूर्तानां पितृणां दीप्ततेजसाम्।

नमस्यामि सदा तेषां ध्यानिनां दिव्यचक्षुषाम्।।

इन्द्रादीनां च नेतारो दक्षमारीचयोस्तथा।

सप्तर्षीणां तथान्येषां तान् नमस्यामि कामदान्।।

मन्वादीनां च नेतार: सूर्याचन्दमसोस्तथा।

तान् नमस्यामहं सर्वान् पितृनप्युदधावपि।।

नक्षत्राणां ग्रहाणां च वाय्वग्न्योर्नभसस्तथा।

द्यावापृथिवोव्योश्च तथा नमस्यामि कृताञ्जलि:।।

देवर्षीणां जनितृंश्च सर्वलोकनमस्कृतान्।

अक्षय्यस्य सदा दातृन् नमस्येहं कृताञ्जलि:।।

प्रजापते: कश्पाय सोमाय वरुणाय च।

योगेश्वरेभ्यश्च सदा नमस्यामि कृताञ्जलि:।।

नमो गणेभ्य: सप्तभ्यस्तथा लोकेषु सप्तसु।

स्वयम्भुवे नमस्यामि ब्रह्मणे योगचक्षुषे।।

सोमाधारान् पितृगणान् योगमूर्तिधरांस्तथा।

नमस्यामि तथा सोमं पितरं जगतामहम्।।

अग्रिरूपांस्तथैवान्यान् नमस्यामि पितृनहम्।

अग्रीषोममयं विश्वं यत एतदशेषत:।।

ये तु तेजसि ये चैते सोमसूर्याग्रिमूर्तय:।

जगत्स्वरूपिणश्चैव तथा ब्रह्मस्वरूपिण:।।

तेभ्योखिलेभ्यो योगिभ्य: पितृभ्यो यतामनस:।

नमो नमो नमस्तेस्तु प्रसीदन्तु स्वधाभुज।। •

Pitru Suktam पितृ सूक्तम् ★

उदिताम् अवर उत्परास उन्मध्यमाः पितरः सोम्यासः।

असुम् यऽ ईयुर-वृका ॠतज्ञास्ते नो ऽवन्तु पितरो हवेषु॥1॥

अंगिरसो नः पितरो नवग्वा अथर्वनो भृगवः सोम्यासः।

तेषां वयम् सुमतो यज्ञियानाम् अपि भद्रे सौमनसे स्याम्॥2॥

ये नः पूर्वे पितरः सोम्यासो ऽनूहिरे सोमपीथं वसिष्ठाः।

तेभिर यमः सरराणो हवीष्य उशन्न उशद्भिः प्रतिकामम् अत्तु॥3॥

त्वं सोम प्र चिकितो मनीषा त्वं रजिष्ठम् अनु नेषि पंथाम्।

तव प्रणीती पितरो न देवेषु रत्नम् अभजन्त धीराः॥4॥

त्वया हि नः पितरः सोम पूर्वे कर्माणि चक्रुः पवमान धीराः।

वन्वन् अवातः परिधीन् ऽरपोर्णु वीरेभिः अश्वैः मघवा भवा नः॥5॥

त्वं सोम पितृभिः संविदानो ऽनु द्यावा-पृथिवीऽ आ ततन्थ।

तस्मै तऽ इन्दो हविषा विधेम वयं स्याम पतयो रयीणाम्॥6॥

बर्हिषदः पितरः ऊत्य-र्वागिमा वो हव्या चकृमा जुषध्वम्।

तऽ आगत अवसा शन्तमे नाथा नः शंयोर ऽरपो दधात॥7॥

आहं पितृन्त् सुविदत्रान् ऽअवित्सि नपातं च विक्रमणं च विष्णोः।

बर्हिषदो ये स्वधया सुतस्य भजन्त पित्वः तऽ इहागमिष्ठाः॥8॥

उपहूताः पितरः सोम्यासो बर्हिष्येषु निधिषु प्रियेषु।

तऽ आ गमन्तु तऽ इह श्रुवन्तु अधि ब्रुवन्तु तेऽवन्तु-अस्मान्॥9॥

आ यन्तु नः पितरः सोम्यासो ऽग्निष्वात्ताः पथिभि-र्देवयानैः।

अस्मिन् यज्ञे स्वधया मदन्तो ऽधि ब्रुवन्तु ते ऽवन्तु-अस्मान्॥10॥

अग्निष्वात्ताः पितर एह गच्छत सदःसदः सदत सु-प्रणीतयः।

अत्ता हवींषि प्रयतानि बर्हिष्य-था रयिम् सर्व-वीरं दधातन॥11॥

येऽ अग्निष्वात्ता येऽ अनग्निष्वात्ता मध्ये दिवः स्वधया मादयन्ते।

तेभ्यः स्वराड-सुनीतिम् एताम् यथा-वशं तन्वं कल्पयाति॥12॥

अग्निष्वात्तान् ॠतुमतो हवामहे नाराशं-से सोमपीथं यऽ आशुः।

ते नो विप्रासः सुहवा भवन्तु वयं स्याम पतयो रयीणाम्॥13॥

आच्या जानु दक्षिणतो निषद्य इमम् यज्ञम् अभि गृणीत विश्वे।

मा हिंसिष्ट पितरः केन चिन्नो यद्व आगः पुरूषता कराम॥14॥

आसीनासोऽ अरूणीनाम् उपस्थे रयिम् धत्त दाशुषे मर्त्याय।

पुत्रेभ्यः पितरः तस्य वस्वः प्रयच्छत तऽ इह ऊर्जम् दधात॥15॥ ★

॥ ॐ शांति: शांति:शांति:॥

★

Shraadh Mantras Jaap श्राद्ध मंत्रजाप ★

(1) ॐ कुलदेवतायै नमः 21 बार

(2) ॐ कुलदैव्यै नम: 21 बार

(3) ॐ नागदेवतायै नम. 21 बार

(4) ॐ पितृदैवतायै नमः 108 बार

Pitru Kavach पितृ कवच ★

कृणुष्व पाजः प्रसितिम् न पृथ्वीम् याही राजेव अमवान् इभेन।

तृष्वीम् अनु प्रसितिम् द्रूणानो अस्ता असि विध्य रक्षसः तपिष्ठैः॥

तव भ्रमासऽ आशुया पतन्त्यनु स्पृश धृषता शोशुचानः।

तपूंष्यग्ने जुह्वा पतंगान् सन्दितो विसृज विष्व-गुल्काः॥

प्रति स्पशो विसृज तूर्णितमो भवा पायु-र्विशोऽ अस्या अदब्धः।

यो ना दूरेऽ अघशंसो योऽ अन्त्यग्ने माकिष्टे व्यथिरा दधर्षीत्॥

उदग्ने तिष्ठ प्रत्या-तनुष्व न्यमित्रान् ऽओषतात् तिग्महेते।

यो नोऽ अरातिम् समिधान चक्रे नीचा तं धक्ष्यत सं न शुष्कम्॥

ऊर्ध्वो भव प्रति विध्याधि अस्मत् आविः कृणुष्व दैव्यान्यग्ने।

अव स्थिरा तनुहि यातु-जूनाम् जामिम् अजामिम् प्रमृणीहि शत्रून्।

|| अग्नेष्ट्वा तेजसा सादयामि॥

Pitra Dosh Mukti Mantras पितृदोष मुक्ति मन्त्र (राशिवार) ◆

भारतीय ज्योतिष में पितृदोष ( Pitra Dosh ) का बड़ा महत्व है। जिनकी कुंडली में पितृदोष होता है उनको अनेक प्रकार की समस्याओं का सामना अपने जीवन में करना होता है। इनमे नौकरी से लेकर भाग्य उदय व विवाह में बाधा आती है।

सावन में देवों के देव भगवान शिव की पूजा अर्चना के साथ-साथ द्वापर युग में हुए श्री कृष्ण की आराधना का भी फल मिलता है।

पितृदोष मुक्ति के लिए इन मंत्रों का करें जाप

मेष: ऊं आदित्याय नम:।

वृषभ: ऊं आदिदेव नम:।

मिथुन: ऊं अचला नम:।

कर्क: ऊं अनिरुद्ध नम:।

सिंह: ऊं ज्ञानेश्वर नम:।

कन्या: ऊं धर्माध्यक्ष नम:।

तुला: ऊं सत्यव्त नम:।

वृश्चिक: ऊं पार्थसारथी नम:।

धनु: ऊं बर्धमानय नम:।

मकर: ऊं अक्षरा नम:।

कुंभ: ऊं सहस्राकाश नम:।

मीन: ऊं आदिदेव नम:।

◆

Indra Krit Shri Ram Stotra इंद्र कृत श्री राम स्तोत्र •

भजेऽहं सदा राममिन्दीवराभं भवारण्यदावानलभाभिधानम् ।

भवानीह्रदा भावितानन्दरूपं भवाभावहेतुं भवादिप्रपन्नम् ।।1।।

सुरानीकदुखौघनाशैकहेतुं नराकारदेहं निराकारमीडयम् ।

परेशं परानन्दरूपं वरेण्यं हरिं राममीशं भजे भारनाशम् ।।2।।

प्रपन्नाखिलानन्ददोहं प्रपन्नं प्रपन्नार्तिनि:शेषनाशाभिधानम् ।

तपोयोगयोगीशभावाभिभाव्यं कपीशादिमित्रं भजे राममित्रम् ।।3।।

सदा भोगभाजां सुदूरे विभान्तं सदा योगभाजामदूरे विभान्तम् ।

चिदानन्दकन्दं सदा राघवेशं विदेहात्मजानन्दरूपं प्रपधे ।।4।।

महायोगमायाविशेषानुयुक्तो विभासीश लीलानराकारवृत्ति: ।

त्वदानन्दलीलाकथापूर्णकर्णा: सदानन्दरूपा भवन्तीह लोके ।।5।।

अहं मानपानाभिमत्तप्रमत्तो न वेदाखिलेशाभिमानाभिमान: ।

इदानीं भवत्पादपद्मप्रसादात् त्रिलोकाधिपत्याभिमानो विनष्ट: ।।6।।

स्फुरद्रत्नकेयूरहाराभिरामं धराभारभूतासुरानीकदावम् ।

शरच्चन्द्रवक्त्रं लसप्तद्मनेत्रं दुरावारपारं भजे राघवेशम् ।।7।।

सुराधीशनीलाभ्रनीलांगकान्तिं विराधादिरक्षोवधाल्लोकशान्तिम् ।

किरीटादिशोभं पुरारातिलाभं भजे रामचन्द्रं रघूणामधीशम् ।।8।।

लसच्चन्द्रकोटिप्रकाशादिपीठे समासीनमंके समाधाय सीताम् ।

स्फुरद्धेमवर्णां तडित्पुञ्जभासां भजे रामचन्द्रं निवृत्तार्तितन्द्रम् ।।9।। •