Regsake

Igna Klynsmith is weer saam met Ian Wessels in die ateljee en beantwoord 'n luisteraar se vraag oor die pligte van trustees. Hy bepreek ook onlangse hofsake oor 'n man aan wie vergoeding van R2.7 miljoen toegeken is nadat hy in die polisieselle aangerand en verkrag is; watter hulp beskikbaar is vir minderheidsaandeelhouers wat geboelie word; asook die pligte van operateurs van waterglybane om kinders se veiligheid te verseker.

Igna Klynsmith verduidelik saam met Ian Wessels die verskil tussen daders, mededaders, medepligtiges en begunstigdes, en gesels ook oor die risiko's van kriptogeld soos Bitcoin. Igna bespreek twee onlangse hofsake. Een gaan oor 'n eis van skadevergoeding teen 'n buurman op wie se plaas 'n brand ontstaan het wat na ander plase versprei het. Die ander een handel oor die aanspreeklikheid van 'n staatsdepartement vir die dood van 'n baba in 'n dagsorgsentrum onder sy beheer.

Igna Klynsmith bespreek met Ian Wessels wanneer 'n kontrak op skrif moet wees om geldig te wees, asook die verskille tussen vrywillige boedeloorgawe, skuldberading en skuldredding. Hy gesels ook oor 'n hofsaak waarin twee gay lewensmaats die hof gevra het om 'n surrogaatooreenkoms te bekragtig. Een van hulle wou egter nie hê die kind moet weet van sy seksuele oriëntasie nie. Hoe het dit die uitspraak beïnvloed?

As jou eis teen iemand in die hof slaag, maar hy appelleer teen die uitspraak, kan jy op betaling aanspraak maak voordat die appèl afgehandel is? Wanneer mag hofverrigtinge op TV uitgesaai word? Kan iemand wat op jou eiendom woon en weier om te trek, hom beroep op die reg tot voldoende behuising volgens die Grondwet?

As jou eis teen iemand in die hof slaag, maar hy appelleer teen die uitspraak, kan jy op betaling aanspraak maak voordat die appèl afgehandel is? Wanneer mag hofverrigtinge op TV uitgesaai word? Kan iemand wat op jou eiendom woon en weier om te trek, hom beroep op die reg tot voldoende behuising volgens die Grondwet?

Wat val onder die sogenaamde "wear and tear" waaroor daar dikwels in huurkontrakte 'n klousule is? Wat kan eisers teen 'n boedel doen as die eksekuteur sloer met die afhandeling? Indien iemand betaal vir munisipale dienste op twee eiendomme, kan betalings gedoen ten opsigte van die een eiendom deur die munisipaliteit gebruik word vir die ander een?

Advokaat David du Plessis sluit weer aan by Ian Wessels en Igna Klynsmith. Hy spesialiseer in musiekregte, en bespreek die algemeenste vrae oor die vestiging en beskerming van komponiste en uitvoerende kunstenaars se regte op hulle werk.

Igna Klynsmith bespreek aan die hand van onlangse hofsake, die volgende regsvrae met Ian Wessels: Hoe moet die gesamentlike aanspreeklikheid van geskeide ouers vir hulle kinders se skoolgelde geïnterpreteer word? Die berekening van toekomstige mediese uitgawes wat ontstaan uit 'n eis vir nalatigheid. Die staat se plig om openbare plaaspaaie in stand te hou, en die belang van 'n volledige ooreenkoms tussen sakevennote.

Verskeie regsvrae word deur Igna Klynsmith met Ian Wessels bespreek. Dit sluit in 'n hofsaak oor die reg op toegang tot openbare inligting, en een oor die volle kapitaalwinsbelasting wat op die verkoop van 'n huis betaal is, maar toe ontvang die verkoper net die helfte van die koopprys. Ander vrae wat beantwoord word, is of 'n vrou toestemming aan haar eksman kan gee om op te hou onderhoud betaal; wanneer oupas en oumas verantwoordelik gehou kan word vir die onderhoud van hulle kleinkinders, en die onttrekking van geld uit iemand se rekening na sy dood.

Die volgende vrae van luisteraars word deur Igna Klynsmith en Ian Wessels bespreek: Is ek verplig om dit aan te meld as ek vermoed 'n kind word mishandel? Het 'n spermdonateur enige ouerlike regte ten opsigte van die betrokke kind? Wat kan 'n geskeide man doen as hy toegang tot sy kinders geweier word? Kan 'n privaatskool op jou huis beslag lê vir onbetaalde skoolgeld? Wanneer kwalifiseer 'n mens vir regshulp?