Regsake

Igna Klynsmith bespreek hofuitsprake oor 'n restaurant se harde musiek. en 'n skoolhoof wat vir 'n leerder gesê het hy praat nie met gays nie. Die volgende vrae van luisteraars word ook beantwoord: Verval jou bestuurslisensie ook as jou lisensiekaart na vyf jaar verval? Tot watter mate is die definisie van verkragting deur onlangse wetgewing uitgebrei? Hoekom kry maatskappye tydens stakings 'n interdik teen geweldpleging, as geweld reeds teen die wet is?

Advokaat David du Plessis is 'n voormalige hoof van die SA Musiekuitvoeringsregte-assosiasie (SAMPRA). Hy beantwoord vrae oor wanneer 'n mens moet betaal vir die gebruik van musiek by openbare geleenthede.

Ian Wessels gesels met Igna Klynsmith oor konsepwetgewing om werksoekers, wat oor hulle kwalifikasies lieg, vas te vat. Igna gee ook statistiek oor egskeidings na aanleiding van 'n luisteraar se vraag of 'n prokureur verplig is om sy kliënte te waarsku oor die gevare van die huwelik. Hulle bespreek ook die kwessie wanneer 'n fetus as 'n mens beskou word, en eise vir skade opgedoen a.g.v. slaggate in paaie.

Llewellyn Curlewis beantwoord vrae oor die riglyne vir 'n suksesvolle appèl, wetgewing oor statutêre verkragting, die besoekregte van 'n pa wat nie onderhoud betaal nie, en wanneer jy iemand mag skiet wat onregmatig toegang tot jou huis verkry het.

Llewellyn Curlewis kuier weer by Ian Wessels en Igna Klynsmith om hulle vrae te beantwoord oor regskwessies, wat spesifiek vir motoriste van belang is wat die hierdie vakansie die pad gaan vat.

Strafregkenner Llewellyn Curlewis bespreek verskeie strafregkwessies wat motoriste raak, soos wat kan gebeur as jy nie jou boetekaartjies betaal nie.

Strafregkenner Llewellyn Curlewis kuier by Ian Wessels en Igna Klynsmith om luisteraars se vrae te beantwoord. Hulle bespreek private vervolgings; of daar 'n verpligting op die publiek rus om misdaad aan te meld; of staatskaping nie op hoogverraad neerkom nie; tot watter mate jy hulp moet verleen aan die polisie; uitstelboetes en die bedrag van borg; en onder watter omstandighede 'n hofsaak na afsluiting heropen kan word.

Igna Klynsmith bespreek die volgende regsvrae met Ian Wessels: Is 'n skoolreël geldig wat meisies verplig om die skool te verlaat as hulle swanger raak? Kan jy van die Padongelukkefonds eis as net jou eie voertuig in 'n botsing betrokke was waarin jy ernstig beseer is? Wanneer is die handel in resnosterhorings wettig? Moet jy as kredietverskaffer registreer as jy eenmalig krediet van meer as R500 000 aan iemand toestaan? Onder watter omstandighede kan 'n eggenoot steeds ingevolge 'n gesamentlike testament erf as hulle geskei het, maar nie die testament verander het nie?

Igna Klynsmith bespreek die volgende regskwessies met Ian Wessels: Skade en beserings veroorsaak deur grassnyers wat klippe opskiet; besit van gesteelde goedere wat jy op 'n straathoek gekoop het; direkteure se regte en of 'n direkteur gedwing kan word om sy aandele te verkoop; en die risiko's verbonde aan die oorneem van voertuigpaaiemente.

Igna Klynsmith verduidelik hoe om 'n prokureur, wat namens jou optree, te vervang. Hy beantwoord ook 'n luisteraar se vraag oor hoe om 'n ou skuldigbevinding van jou misdaadrekord te laat verwyder, en bespreek 'n onlangse hofsaak oor die rook van dagga in jou privaatwoning.