Il project «Rumantsch grischun en scola» instradà avant bun 10 onns sut l'anteriur cusseglier guvernativ Claudio Lardi n'ha betg funcziunà sco previs. En la gronda part da las vischnancas vegn anc adina u puspè instruì en l'idiom.40 vischnancas han introducì dal 2007 fin il 2009 il rumantsch grischun en scola. Oz, 10 onns pli tard èn 18, pia bunamain la mesadad puspè turnadas tar l'idiom. Ma pertge ha l'idiom e betg il rumantsch grischun persvadì sco lingua d'alfabetisaziun? Pertge ha l'introducziun en scola chaschunà uschè fermas emoziuns? La Marella va a la tschertga da motivs e respostas, en discurs cun aderents dal RG ed aderents dals idioms sco er cun scolaras e scolars che han gì nov onns RG en scola.