RTL - Background

Invité ass den Diddelenger Buergermeeschter Dan Biancalana.

Invité ass den Diddelenger Buergermeeschter Dan Biancalana.

D'Gemenge waren an der Lescht vill an dacks an der Aktualitéit mat der Reform vun de Gemengefinanzen an dem Dossier Kierchefabrécken, oder nach wéinst der Territorial-Reform. Den Diddelenger Buergermeeschter Dan Biancalana ass dëse Samschden an eiser Emissioun Background am Gespréich

Matt eisem Invité schwätze mir awer och iwwert de Problem vum Logement, de Shared Space, d'Crèchen oder nach d'Integréiere vun de Flüchtlingen.
Rendez-vous fir de Background wéi gewinnt e Samschden tëscht 12 an 13 Auer op RTL Radio Lëtzebuerg

Invitéeë sinn de President vun der asbl "Eltere getrennt" an de President dem Ombudscomité fir d'Rechter vum Kand

Invitéeë sinn de President vun der asbl "Eltere getrennt" an de President dem Ombudscomité fir d'Rechter vum Kand

D'Reform vum Scheedungsgesetz ass dëse Samschdeg eise Sujet an der Emissioun Background am Gespréich. De Gesetzprojet gouf virum Summer an der Chamber deposéiert. Et ass eng Reform, déi laang op sech waarde gelooss huet. Eng Scheedung bedeit fir déi betraffe Koppel, fir déi ganz Famill, een déiwen Aschnëtt an hirem Liewen. Duerch d'Reform vum Scheedungsgesetz sollen d'Prozedure vereinfacht an acceleréiert ginn, virgesi sinn och Changementer am Familljerecht. Sou soll ee Familljeriichter agefouert ginn an dat gemeinsamt Suergerecht fir déi zwee Elterendeeler.

Wou ass d'Reform drun, wéi a wou kréie Betraffener gehollef a wéi steet et ëm d'Rechter vun de Kanner am Fall vun enger Scheedung? D'Reform vum Divorce ass dëse Samschdeg eise Sujet, mir schwätze mat Experten a Betraffenen, tëscht 12 an 1 Auer hei op RTL Radio Lëtzebuerg.
Explikatiounen iwwert d'Reform ginn et vun der Presidentin vun der parlamentarescher Justizkommissioun, der grénger Fraktiounschefin Viviane Loschetter. Invitéeën am Studio sinn de President vun der asbl Eltere getrennt, de Romain Schroeder an de President vum ORK, dem Ombudscomité fir d'Rechter vum Kand, René Schlechter. Mir héieren een Temoignage vun engem betraffene Papp, wéi hie seng Scheedung erlieft huet a schwätze mat enger Psychologin, spezialiséiert op Familljentherapie.

Invité ass de de Generaldirekter vun de Chambre de commerce, Carlo Thelen

Invité ass de de Generaldirekter vun de Chambre de commerce, Carlo Thelen

Wéi soll den neie Wirtschaftsmodell vum Lëtzebuerger Land ausgesinn, wéi kann de Wuesstem am Grand-Duché gesteiert ginn a wéi eng nei Perspektiven bitt déi sougenannten „drëtt industriell Revolutiounen“ de Betriber am Land a si mer op all dës Changementer preparéiert?

Mir verdéiwen d'Diskussioun iwwert d'Zukunft vum Land an eiser Emissioun Background am Gespréich dës Woch. Invité am Studio ass de Generaldirekter vun de Chambre de commerce, Carlo Thelen.