Gudde Moien Här Kaempff,

Mam Ouschterweekend fänkt traditionell d'Touristesaison an der Stad un, dat ass natierlech och e wichtege Weekend fir d'Stater Geschäftsleit. Wéi geet et der Geschäftswelt dann? De Bilan vum leschte Joer, dat gouf bei Iech op der Generalversammlung dës Woch däitlech, fält gemëscht aus. Wiesou?

D'Geschäfter beweege sech ëmmer méi an engem digitaliséierte Kontext. Dat betrëfft virun allem och den Eenzelhandel. Ma et gëtt awer nach ëmmer vill Geschäftsleit och an der Stad déi a Punkto Internetpräsenz zéi sinn. Wéi erkläert der Iech dat? Wann dat  bedeit, datt een doduerch d'Schlappe riskéiert ze verléieren...? Ass dee Message nach net bei de Leit ukomm?

En anert Thema a Punkto Ëmstellung, Erwaardungshaltung vun de Clienten sinn d'Ouvertureszäiten. Bei enger Emfro zejoert war rauskomm, datt d'Leit duerchaus u méi spéiden Ouvertureszäiten an der Woch intresséiert sinn. Ma och do beweegt sech d'Stad den Ament nach net terribel vill. Kann ee sech dat op Dauer leeschten?
Déi verkafoppe Sonndeger hu jo awer gewisen, datt d'Geschäfter doduerch hir Vente verbessere konnten...

D'Handelsconfederatioun plädéiert jo fir eng komplett Liberaliséierung. Wier dat eng Optioun, am Sënn vum Stater Geschäftsverband?

Den Tram rullt, bon bis ewell nëmmen um Kierchbierg an ier d'Gare ugeschloss ass, muss mol nach de ganze Chantier coordinéiert ginn. Dee mécht dem Stater Geschäftsverband vill Suergen. Wat fäert der dann?

D'Geschäfter halen nach ëmmer op finanziell  Entschiedungen vun der Politik. Wéi missten déi ausgesinn? Vu wéi vill Geschäfter schwätze mer dann déi hei betraff wieren?

Mä dir krut awer schonn op der Generalversammlung kloer vermëttelt, datt der näischt kritt...


Guill Kaempff, 2019 soll de grousse Projet vum Royal Hamilius opp goen, mat der Galerie LaFayette déi jo hir Arrivée zu Lëtzebuerg ugekënnegt huet. Domadder bestäerkt d'Stad Lëtzebuerg jo dann hiren Image als Akafsstad vun de Luxusmarquen, oder net?

Gesidd der dann do keng Konkkurenz fir den Eenzelhandel? Eng Konkkurenz déi lo net nëmme méi op der grénger Wiss mä direkt virun der Nues ass...

Op der Generalversammlung hutt dir och de Sécherheetsproblem am Garer Quartier ugeschwat dee sech negativ géif op d'Entwécklung vun de Geschäfter an den Image vun der Stad auswierken. Wéi manifestéiert dee sech konkret?

Wat verlaangt der do vun der Politik?

Wéi gutt sinn dann eigentlech är Relatiounen mat de politesch Responsabelen? D'Stater Gemengeresponsabel hate jo traditionnell e relatiivt opent Ouer fir de Geschäftsverband?

Gudde Moien Charel Schmit,
Dir sidd de Moien bei eis als President vun der Ances, dat ass de Lëtzebuerger Fachverband fir sozial Aarbecht, Bildung an Erzéiung
Dir hutt gëschter Owend op eng Conférence-débat mam Justizminister Felix Braz invitéiert fir déi geplangte Reform vum Lëtzebuerger Jugenschutzgesetz ze schwätzen. D'Ministeren Braz a Claude Meisch hunn do jo gëschter d'Haaptlinnen eng éischte Kéier offiziell presentéiert. De Secteur waart elo scho bal zanter 20 Joer op eng Reform vun deem Text. D'Reform war eng Prioritéit am Koalitiounsprogramm. D'Erwaardungen ënnert anerem vun der Ances waren héich. Wéi zefridde si der dann mat de Proposen?

D'Konferenz gëschter Owend huet sech un déi Professionnel vum Terrain aus dem Sozialsecteur adresséiert. An den Interessi war och grouss. Heescht dat datt um Terrain nach vill oppe Froen, vill Onsécherheet ass?

De Felix Braz huet bei eis am Background  an och gëschter op der Pressekonferenz vun engem "Konsenstext" geschwat deen a ville Reuniounen Artikel fir Artikel mat Vertrieder wéi Parquet, Ombudskomité fir d'Rechter vum Kand oder nach ënnert anerem der konsultativer Mënscherechtskommissioun fir nëmmen déi ze nennen ausgeschafft. Wat haalt dir vun där Approche? D'Ances souz do awer net mat um Dësch

E grousse Sträitpunkt, deen ze lescht nach emol mat engem oppene Bréif vun der Claudia Monti ugestouss gouf ass deen vun de Mineuren am Erwuesseneprisong zu Schraasseg. Dat neit Jugendschutzgesetz gesäit elo wéi mer zanter gëschter wëssen 3 kumulativ Konditioune fir. De Minister Braz seet et géif een d'Dier vu Schraasseg zu 99% zoumaachen. Geet dat fir Iech duer? Oder bleift der wéi d'Mënscherechtsvertrieder derbäi, datt dat prinzipiell einfach net geet?

Wat ass dann eigentlech de Problem zu Dräibuer? Dräibuer wier net adequat, nach net ugepasst, heescht et elo vun der Politiker. Deelt der dee Konstat?

Wéi kann et da sinn, datt mer jorelaang un engem Gesetz fir d'Unisec also déi zouen Unité de sécurité zu Dräibuer nieft dem centre socio-éducatif de l'Etat schaffen an da geet déi nei Unitéit am November op an elo gëtt alles hannertfrot...

D'Ances huet sech och schonn an der Vergaangenheet kritesch géintiwwer enger weider, eng drëtt Struktur fir Jonker tëscht 16 an 21 Joer, bleift der do bei ärer Skepsis?

D'Jugendschutzgesetz bréngt och e Paradigmewiessel mat sech wat d'Autorité parentale betrëfft, déi d'Elteren elo net méi d'office verléieren wann e Kand placéiert gëtt, wéi gutt ass den Terrain dorobber virbereet? Fir datt déi Zesummenaarbecht, am Interessi vum Kand klappt...