RTL - Sproochmates

Et kann een dat am Sport gewannen, beim Coiffer kritt een dat och a wa ee mol op der Musel ass kann een dat och drénken. Eng Coupe. Dir mierkt et gëtt vill iwwer dat geléinte Wuert ze schwätzen, Zäit fir dem Alain Atten den Terrain z'iwwerloossen.

E Sonnde gëtt de Wanter verbrannt. De Weekend nom Fuesweekend ass Buergsonndeg. Ob sech de Wanter wierklech drunhält, hänkt natierlech vum Wieder of. De Sproochmates iwwer eis Traditioun déi et och deels an der Belsch an och an Däitschland gëtt.

E gudden ale Sproch ass dës Kéier un der Rei. Et geet ëm Beem, vill Beem, an e Bësch. Villäicht gesitt dir jo och heiansdo de Bësch vu lauter Beem net méi. D'Erklärunge kommen net vum Fierschter mä natierlech vum Alain Atten.

Et ass ronn, d'Fransouse spille ganz gär domat, et kann een et och waarm maache fir sech op de Bauch ze leeën an et ass virun allem e geléinte Wuert. Firwat och soss géing den Alain Atten sech Zäit huele fir iwwer eng Bull ze schwätzen.

Et dierft och dëst Joer keng Fuesent gi wéi mir se mol kannt hunn, trotzdeem kann een driwwer schwätzen, also de Sproochmates. Dës Kéier mat engem Artikel aus der Kichen. Nieft der Seibecken, dem Dëppen an dem Geschier fënnt ee meeschtens och eng Pan. A wat mécht d'Pan der Fuesent? E Fall fir den Alain Atten.

Wann een d'Babbel net zou kritt oder Saache seet déi de Vis-à-vis héiere wëll oder net, da kann ee soen "dee schwätzt wéi de Schniewel engem gewuess ass". E flotte Sproch dee mir erkläert wëlle kréien, et wier dann um Alain Atten.

An der Serie vun de geléinte Wierder déi eis den Alain Atten ausernee pléckt, maache mir dës Kéier Statioun bei eis franséischen Noperen. Et geet ëm e Wuert dat déi lescht Zäit nawell vill am Kontext vu Covid19 an Impfung ze héieren an ze liese war, et geet ëm de Choix beim Sproochmates.

Haut huet den Alain Atten sech net mat der Fuesent mee hie werft de Begrëff "zweeërlee Fuesent" an d'Ronn. Wat dat heescht a wéini ee vun zweeërlee Fuesent schwätze ka weess eise Sproochmates.

Béist Blutt huet een net ëmmer, mee et kritt een es heiansdo. Et sinn déi manner schéin Amenter déi heimat beschriwwe ginn. Déi nächst Minutte si mer a gudden Hänn a wäerten vun eisem Sproochmates dem Alain Atten erkläert kréien wat den Ausdrock "Béist Blutt" da genee bedeit.

D'Lëtzebuerger Sprooch huet sech eng Partie Wierder an anere Sprooche geléint, aus dem däitschen, hollännesche, spueneschen a franséischen. Den Alain Atten geet haut an d'franséischt, mat engem Wuert, dat hien an deene läschte Solden héieren huet: Eng Remise.