'n Lid van die groep Suid-Afrikaanse vroue wat Berg Everest uitklim as deel van 'n veldtog teen mensehandel en hedendaagse slawerny moes met 'n helikopter van die berg afgevlieg word. Die spandokter, Ilse Joubert, sê die vrou het gister begin duiselig voel en haar bloeddruk was hoog. Vanoggend het die simptome vererger en hulle het besluit dat sy nie verder kan klim nie. Die spanlede wat ook nog nie heeltemal herstel het van die diaree wat hulle aan die begin van die tog opgedoen het nie, is ook teruggestuur en net 26 van die oorspronklike 45 spanlede sal nou verder klim. Joubert sê die klim is nie vir sissies nie.