ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​RFI នៅ​រាត្រី​នេះ គឺ​លោក ឈឹម ផលវរុណ អ្នក​នាំ​ពាក្យ​ម្នាក់​នៃ​គណ​បក្ស​ប្រជា​ជន​កម្ពុជា និង​លោកស្រី ចក់ សុភាព នាយិកា​មជ្ឈ​មណ្ឌល​សិទ្ធិ​មនុស្ស​កម្ពុជា​។​ អ្នក​ទាំង​ពីរ​គឺ​ជា​សាក្សី​ដែល​បាន​ចូល​ក្នុង​សវនាការ​សំណុំ​រឿង លោក កឹម សុខា នៅព្រឹក​មិញនេះ​។​ ប៉ុន្តែតុ​លាការ​មិន​ទាន់​បាន​សួរ​ដេញ​ដោល​សាក្សី​ទាំង​ពីរ​រូបនេះ​នៅ​ឡើយ ដោយសារ​តែ​អស់​ពេលក្រោយពីសាកសួរ​លោក គង់ គាំ​។​ តាម​គម្រោង​សាក្សីទាំងនេះ​នឹង​ត្រូវ​ចូល​ទៅ​កាន់​តុលា​ការ​ម្តង​ទៀត​នៅ​ថ្ងៃ​ពុធ​សប្តាហ៍​ក្រោយ​។